|
அமெரிக்க நீச்சல் சாம்பியன் பட்டப்போட்டி
cri
2009ம் ஆண்டு அமெரிக்க ஷார்லோத் நீச்சல் சாம்பியன் பட்டப்போட்டி 18ம் நாள் முடிவடைந்தது. 100 மீட்டர் ஆடவர் சுதந்தர பாணி நீச்சல் போட்டியில், ஃபில்புஸ், வெள்ளிப்பதக்கம் பெற்றார். தடையிலிருந்து விலக்கப்பட்ட பின் கலந்துகொண்ட முதல் போட்டியில் அவர் 2 தங்கம் மற்றும் 2 வெள்ளி பதக்கங்களை பெற்றார்.
2009ம் ஆண்டு மாத்ரிட் மாஸ்டர் டென்னிஸ் போட்டி முடிவடைந்தது. ஸ்விட்சர்லாந்து வீரர் பெடரர் 1 மணி 28 நிமிட காலம் நீடித்த போட்டியில் 2-0 என்ற ஆட்டக்கணக்கில் ஸ்பெனிய வீரர் நாடாலை தோற்கடித்து, சாம்பியன்பட்டம் பெற்றார்.
சுதிர்மன் பூப்பந்து 11வது சாம்பியன்பட்டப்போட்டி 17ம் நாளிரவில் சீனாவின் தென்பகுதியிலுள்ள குவாங் சாவ் மாநகரில் முடிவடைந்தது. சீன அணி, இறுதிப்போட்டியில் 3-0 என்ற ஆட்டக்கணக்கில் தென்கொரிய அணியை தோற்கடித்து, 7வது முறையாக சாம்பியன் பட்டம் பெற்றது.
பூப்பந்து விளையாட்டு துறையின் ஒட்டுமொத்த நிலையை பிரதிநிதிப்படுத்தும் மிக சிறந்த உலக போட்டி, சுதிர்மன் பூப்பந்து சாம்பியன் பட்டப்போட்டியாகும். 34 நாடுகள் மற்றும் பிரதேசங்களைச் சேர்ந்த 500 வீரர்கள் மற்றும் வீராங்கனைகள் இப்போட்டியில் கலந்துகொண்டனர்.
சீன-ஆஸ்திரேலிய மகளிர் கூடைப்பந்து போட்டிகள் சீனாவின் வடக்கு பகுதியிலுள்ள அன் சன் நகரில் நடைபெற்றது. முதல் போட்டியில் தோல்வியடைந்த சீன அணி, 17ம் நாள் தங்கள் அணுகு முறையை மாற்றி விளையாடி, 2வது இடத்தில் 90-84 என்ற புள்ளிகணக்கில் வெற்றிபெற்றது.
இரு அணிகளுக்கிடையிலான கடைசி போட்டி 19ம் நாள் நடைபெற்றது.
2009ம் ஆண்டு ஜெர்மனி உலக கோப்பை துப்பாக்கி சுடுதல் போட்டியின், 4வது நாளான போட்டி 18ம் நாள் ஜெர்மன் முன்னிஷு நகரில் முடிவடைந்தது. சீன இளம் வீராங்கனைகள் யுயன் ஜிங், சாவ் சு, 25 மீட்டர் கை துப்பாக்கி சுடுதல் போட்டியின் முதல் மற்றும் 2வது இடங்களை வகித்தனர்.
புகழ் பெற்ற ஜமைக்கா வீரர் போல்ட், காயத்திலிருந்து மீட்ட பின், கலந்துகொண்ட முதல் போட்டியில், மக்களின் மனதில் ஆழப்பதிந்திருந்திருக்கிறார். 17ம் நாள் பிரிட்டன் மன்டெஸ்டர் நகரில் நடைபெற்ற 150 மீட்டர் தடகள போட்டியில், உலகின் மிக சிறந்த சாதனையை அவர் எளிதாக உருவாக்கினார்.
அன்று அவர், 14.35 வினாடி என்ற சாதனையை கொண்டு, 1983ம் ஆண்டில் இத்தாலி வீரர் பீட்ரோ மென்னியா உருவாக்கிய 14.80 வினாடி என்ற உலக சாதனையை முறியடித்தார்.
2012ம் ஆண்டு லண்டன் ஒலிம்பிக் விளையாட்டுப் போட்டியின் ஆடவர் 100 மீட்டர் தடகள போட்டியில் கலந்துகொள்ளாமல், இருக்க கூடும் என்றும் ஆடவர் 400 மீட்டர் தடகள போட்டியில் கலந்துகொள்வார் என்றும் பெய்ஜிங் ஒலிம்பிக் விளையாட்டுப் போட்டியில் தங்கப்பதக்கத்தை பெற்றவரும், ஜமைக்காவின் புகழ் பெற்ற வீரருமான போல்ட், தெரிவித்திருக்கின்றார்.
|
|
