1954ம் ஆண்டு வகுக்கப்பட்ட அரசியல் அமைப்பு சட்டத்தின் விதிகளின் படி, தேசிய மக்கள் பேரவையின் பதவி காலம் 4 ஆண்டுகளாகும். அடி மட்ட நிலை மக்கள் பேரவையின் பதவி காலம் 2 ஆண்டுகளாகும். 1954ம் ஆண்டு நடைபெற்ற முதலாவது சீன தேசிய மக்கள் பேரவை முதல் 1965ம் ஆண்டு நடைபெற்ற மூன்றவது தேசிய மக்கள் பேரவையின் முதலாவது கூட்டத் தொடர் வரை, தேசிய மக்கள் பேரவை அடிப்படை திட்டத்தின் படி நடைபெற்றது. அடி மட்ட நிலை மக்கள் பேரவை கூட்டம் 1953ம் ஆண்டு முதல் 1963ம் ஆண்டு வரையான காலத்தில் 5 முறை தேர்ந்தெடுக்கப்பட்டது. திட்டத்தின் படி அதுவும் நடைபெற்றது. ஆனால் 1966ம் ஆண்டு முதல் 1976ம் ஆண்டு வரையான பண்பாட்டுப் புரட்சிக் காலத்தில் தேசிய மக்கள் பேரவை அமைப்பு முறை கடுமையாக சீர்குலைந்தது. தேசிய மக்கள் பேரவை கூட்டத் தொடர் தொடர்ந்து பத்து ஆண்டுகளாக நடைபெற வில்லை. பல்வேறு உள்ளூர் நிலை மக்கள் பேரவைக் கூட்டத்தொடருக்கான தேர்தலும் பத்து ஆண்டுகளுக்கு மேலாக நடைபெற வில்லை. விளைவாக சீனாவின் சோஷிலிச ஜனநாயகம் சோஷிலிச சட்டக் கட்டுமானம் ஆகியவை கடுமையாக பாதிக்கப்பட்டன.