நுழைவுச் சீட்டுகளின் எண்ணிக்கை அதிகமாக இருந்ததால் இரண்டு மணி நேரத்தில் பெய்ஜிங்கில் ஒரு இணையத் தளத்தில் 10 சீட்டுகள் மட்டும் விற்கப்பட்டன. சீட்டு வாங்குவதற்கான வரிசை உருவாக வில்லை. இது பற்றி  வான்சோ சாலையில் அமைகின்ற சீன தபால் சேமிப்பு நிலையத்தின் பகல் அலுவலுக்கு பொறுப்பான யீ மியௌ மியௌ கூறியதாவது. காலை அலுவலகம் துவங்கியது முதல் இதுவரையான இரண்டு மணிநேரத்தில் பத்து சீட்டுகளை விற்பனை செய்தோம். மின்னணு வணிக அமைப்பு முறையில் ஷாங்காய் உலகப் பொருட்காட்சிக்கான அட்டை மூலம் நுழைவுச் சீட்டு விற்பனை விவகாரங்களை கையாள்கின்றோம். அமைப்பு முறை மூலம் சீட்டு வாங்கும் தகவல் உள்ளே சேர்க்கப்பட்டதுடன் சீட்டு விற்பனை செய்யப்படும் என்று அவர் கூறினார்.

இருந்தாலும் ஷாங்காய் உலகப் பொருட்காட்சியின் தனிச்சிறப்பியல்பு ஆற்றல் பல நகர வாசிகளின் ஆர்வத்தை ஈர்த்துள்ளது. பல நகர வாசிகள் சீட்டு விற்கப்படும் சாவடிகளுக்கு சென்றனர். பெய்ஜிங்கில் பட்ட மேற்படிப்பு பயில்கின்ற இளைஞர் ச்சான்யூன் இன்று காலை நுழைவுச் சீட்டு வாங்க விற்பனை சாவடிக்கு சென்றார். கோடைக்காலத்தில் தான் வாங்கிய சீட்டை குடும்பத்தினரிடம் காட்ட அவர் விரும்புகிறார்.

இது பற்றி அவர் கூறியதாவது. இன்று ஷாங்காய் உலகப் பொருட்காட்சி நுழைவுச் சீட்டு மக்களுக்கு விற்கப்படத் துவங்கியது. அதை வாங்கவே நான் வந்தேன். இந்த பொருட்காட்சி எமது நாட்டின் பொறுப்பில் நடைபெறும் உலக தன்மை வாய்ந்த பொருட்காட்சியாகும். என்னை இது மிகவும் ஈர்த்துள்ளது. இந்த பொருட்காட்சியில் பல முன்னேறிய காட்சி அரங்குகளையும் பொருட்களையும் கண்டுரசிக்கலாம் என்று அவர் கூறினார்.

ஷாங்காய் உலகப் பொருட்காட்சி தொடர்பான அனைத்து ஆயத்தப் பணிகளும் ஒழுங்கான முறையில் நடைபெற்று வருகின்றன. சீன அரங்கு, உலகப் பொருட்காட்சி மையம் போன்ற திட்டப்பணிகள் அடிப்படை வசதிகளை பொருத்தும் காலகட்டத்தில் உள்ளன. இதுவரை 239 நாடுகள் மற்றும் சர்வதேச அமைப்புகள் இந்த உலகப் பொருட்காட்சியில் கலந்து கொள்ள உறுதிப்படுத்தியுள்ளன.