இவற்றில் நாட்டின் அரசுத் தலைவர் பதவி நிறுவுதல் மீட்கப்பட்டது. நிர்வாக வாரியங்களின் பணித் திறனை அதிகரிக்கும் வகையில் அரசவை மற்றும் இதன் தலைமையின் கீழுள்ள பல்வேறு அமைச்சகங்கள், ஆணையகங்கள் மற்றும் உள்ளூர்களின் பல்வேறு மக்கள் அரசாங்கங்களில் பொறுப்பு அமைப்பு முறை நிறுவப்பட வேண்டும். நாட்டில் மத்திய இராணுவ ஆணையம் நிறுவப்பட வேண்டும். தேசத்தின் ஆயுத சக்திகள் இவ்வாணையத்தின் தலைமையில் குவிக்கப்படும். பரிசோதனை வாரியம் அரசவையில் கூடுதலாக நிறுவப்பட வேண்டும். சட்டத்தின் படி பரிசோதனை மற்றும் கண்காணிப்பு அதிகாரத்தை நடைமுறைப்படுத்துவதற்கு இந்த வாரியம் பொறுப்பேற்கும். நிதி நிர்வாகம் மற்றும் நடவடிக்கைகளுக்கான கண்காணிப்பை வலுப்படுத்தும் வகையில் மாவட்ட நிலைக்கு மேற்பட்ட பல்வேறு உள்ளூர் நிலை மக்கள் அரசாங்கங்களில் அவற்றுக்கு ஏற்ற பரிசோதனை வாரியம் நிறுவப்பட்டது. நடுவண் மற்றும் உள்ளூர் என்ற ஆக்கப்பூர்வமான கோட்பாட்டுக்கு இணங்க, நடுவண் அரசின் ஒட்டுமொத்த் தலைமையின் கீழ், பல்வேறு உள்ளூர் நிலை அதிகாரக் கட்டுமானம் வலுப்படுத்தப்பட்டுள்ளது. உள்ளூர் கடப்பாட்டு அதிகாரமும் தேசிய தன்னாட்சிப் பிரதேசங்களின் சுயாட்சி அதிகாரமும் விரிவாக்கப்பட்டுள்ளன. அரசுத் தலைவர், துணை அரசுத் தலைவர்கள், தேசிய மக்கள் பேரவை நிரந்தர கமிட்டித் தலைவர், துணைத் தலைவர்கள், தலைமை அமைச்சர், துணை தலைமை அமைச்சர்கள், அரசவை உறுப்பினர்கள், அதியுயர் மக்கள் நீதி மன்ற தலைவர், அதியுயர் மக்கள் அரசு வழக்கறிஞர் மன்றத்தின் தலைமை வழக்கரைஞர் ஆகியோரின் பதவி காலம் பத்து ஆண்டுகளை தாண்ட கூடாது என்று விதிக்கப்பட்டுள்ளது. இதன் மூலம் தலைமை பதவி ஆயுள்காலம் முழுவதும் என்ற அமைப்பு முறைமை உண்மையில் நீக்கப்பட்டது.