சோறு 500 அரை கிலோ
முட்டை 2
கேரட் 1
கொத்த மல்லி சிறிதளவு
வெள்ளரிக்காய் 1
வெங்காயம், இஞ்சி உரிய அளவு
காடி ஒரு தேக்கரண்டி
சர்க்கரை ஒரு தேக்கரண்டி
உப்பு ஒரு தேக்கரண்டி
உலர்ந்த தக்காளி மாவு ஒரு தேக்கரண்டி
சமையல் எண்ணெய் 4 தேக்கரண்டி

க்ளீட்டஸ் – முதலில், முட்டைகளை உடைத்து பாத்திரத்தில் கொட்டி, நன்றாக அடித்து கிளற வேண்டும். பிறகு, சோற்றை பாத்திரத்தில் கொட்டி, முட்டைகளுடன் கிளறவும்.
வாணி – இஞ்சி, வெங்காயம் ஆகியவற்றை மெல்லிய அளவாக நறுக்கி கொள்ளுங்கள். உப்பு, சர்க்கரை, காடி, உலர்ந்த தக்காளி மாவு, இஞ்சி, வெங்காயம் ஆகியவற்றை ஒரு பாத்திரத்தில் கொட்டி, நன்றாக கிளற வேண்டும்.
க்ளீட்டஸ் – கேரட், வெள்ளரிக்காய் ஆகியவற்றை மெல்லிய அளவாக நறுக்கிக் கொள்ள வேண்டும். அவற்றை சோறு முட்டை கலவையில் கொட்டி கிளறவும்.

வாணி – இன்று தோசைக் கல்லை பயன்படுத்த வேண்டும். அதனை அடுப்பின் மீது வைத்து, அதில் எண்ணெயை ஊற்றவும். 10 வினாடிகளுக்குப் பின், கிளறப்பட்ட சோற்றை அதில் கொட்டலாம். பெரிய தேக்கரண்டியின் அடி மூலம், சோற்றை தோசை போல அழுத்த வேண்டும்.
க்ளீட்டஸ் – ஒரு பக்கம் பொன் நிறமாக மாறிய பின், கவனமாக அதனை மறு பக்கம் திருப்பிக் கொள்ளுங்கள். இரண்டு பக்கங்களும் பொன் நிறமாக மாறிய பின், அதனை வாணலியிலிருந்து வெளியே எடுக்கலாம்.
வாணி – வாணலியை அடுப்பின் மீது வைத்து, அதில் சிறிதளவு எண்ணெயை ஊற்றவும். பிறகு, முன்பு தயாரித்த இஞ்சி, வெங்காயம் முதலியவை இடம்பெறு மசாலா சாற்றை இதில் ஊற்றவும். வேகவைத்த பிறகு, அதனை, சோறு தோசையின் மீது ஊற்றலாம்.

க்ளீட்டஸ் – அன்பு, நேயர்களே, இன்றைய சோறு guo ba தயார். சூடாகவுள்ள போது சாப்பிடுங்கள். மிகவும் சவையானது. வீட்டில் தக்காளி சாஸ் இருந்தால், அதில் தொட்டு சாப்பிடலாம்.
வாணி – சரி, நேயர்களே, சோறு guo ba தயாரிப்பு பற்றி கேட்டீர்கள்.
க்ளீட்டஸ் – இந்த நிகழ்ச்சி பற்றிய கருத்துக்களையும் முன்மொழிவுகளையும் தெரிவிக்க விரும்பினால், தவறாமல் எங்களுக்கு கடிதம் அனுப்புங்கள்.
வாணி – மேலும், இந்நிகழ்ச்சி பற்றிய விபரம் எமது இணைய தளத்தில் இடம்பெறுகின்றது. அதில் கண்களை கவரும் நிழற்படங்கள் உள்ளன.