வாணி -- வணக்கம், சீன உணவு அரங்கம் நிகழ்ச்சியில் மீண்டும் சந்திப்பதில் மிக்க மகிழ்ச்சி.
க்ளீட்டஸ் -- வணக்கம், எங்களுடன் சேர்ந்து சுவையான சீன உணவு வகைகளைத் தயாரிக்கலாம்.வாருங்கள்.
வாணி -- க்ளீட்டஸ், முன்பு வழங்கிய நிகழ்ச்சியில் சி ச்சுவான் மாநில உணவு வகைகள் பற்றி எடுத்து கூறினோம். இது பற்றி கருத்து தெரிவிக்கலாமா？
க்ளீட்டஸ் – கண்டிப்பாக. சி ச்சுவான் மாநில உணவு வகைகள் ஒரு தனிச்சிறப்பைக் கொண்டுள்ளது. அதாவது, கார்ம் அல்லது காரச் சுவை உடையது.
வாணி – பெய்ஜிங்கில் பல சி ச்சுவான் உணவகங்கள் உண்டு. நீங்கள் ஏதேனும் ஒன்றுக்குச் சென்று சி ச்சுவான் உணவு வகைகளை ருசி பார்த்தீர்களா?
க்ளீட்டஸ் – என் இல்லத்துக்கு அருகிலுள்ள ஒரு உணவகத்துக்கு அடிக்கடி சென்றுள்ளேன். உணவு வகைகளில் ma po tou fu என்பது நினைவில் ஆழ பதிவாகியது.
வாணி – ஓ. நீங்கள் குறிப்பிட்ட ma po tou fu, சி ச்சுவான் உணவு வகைகளில் பிரதிநிதித்துவம் வாய்ந்தது.
க்ளீட்டஸ் – இன்றைய நிகழ்ச்சியில் எந்த உணவு வகை பற்றி கூறுவோம்?
வாணி – கடந்த வாரம், சி ச்சுவான் மாநிலத்தைச் சேர்ந்த ஒரு நண்பர் வீட்டுக்குச் சென்றேன். அவர் தயாரித்த மிளகாய், கோழி இறைச்சி வறுவல் மிகவும் சுவையானது. அவரிடமிருந்து அதன் தயாரிப்பு முறையைக் கற்றுக்கொண்டேன். அது பற்றி பார்ப்போமா?
க்ளீட்டஸ் – நல்லது. கோழி இறைச்சி எனக்கும் பிடிக்கும்.
வாணி – சரி, முதலில் தேவையான பொருட்கள் பற்றி கூறுகின்றேன்.

கோழி இறைச்சி 750 கிராம்
இஞ்சி, சிறிதளவு
சோயா சாஸ் 2 தேக்கரண்டி
உப்பு அரை தேக்கரண்டி
சமையல் மது 2 தேக்கரண்டி
சமையல் எண்ணெய் 4 தேக்கரண்டி
காய்ந்த சிவப்பு மிளகாய் 10 கிராம்
மிளகு சிறிதளவு
வாணி – முதலில், கோழி இறைச்சியை சுத்தம் செய்ய வேண்டும். வசதி இருந்தால், கோழி கால் அல்லது கோழி சிறகுகளைப் பயன்படுத்தலாம். இவற்றால் தயாரிக்கப்பட்ட வறுவல் மேலும் சுவையானது.

க்ளீட்டஸ் – வாணி, சீன உணவு வகைகளில் கோழி தோல் பொதுவாக நீக்கப்படாது என்று கண்டுள்ளேன்.
வாணி – ஆமாம், நேயர்கள் தங்களின் வழக்கப்படி கோழி உணவு வகைகளை தயாரிக்கலாம். அல்லது, முற்றிலும் சீனர்களின் வழக்கப்படி தயாரித்து ருசிப்பார்க்கலாம்.
க்ளீட்டஸ் – கோழி இறைச்சியில் பெரிய எலும்புகளை நீக்க வேண்டும். பிறகு, 2 சென்டி மீட்டர் அளவாக வெட்டிக்கொள்ளுங்கள்.

வாணி – கோழி இறைச்சி துண்டுகளை ஒரு பெரிய பாத்திரத்தில் கொட்டவும். இதில், நறுக்கப்பட்ட இஞ்சி, சோயா சாஸ், உப்பு, சமையல் மது ஆகியவற்றைச் சேர்க்கவும். நன்றாக கிளற வேண்டும்.
க்ளீட்டஸ் – உடனடியாக தயாரிக்க துவக்கலாமா?
வாணி – இல்லை. மசாலாகளுடன் கலக்கப்பட்ட கோழி இறைச்சி துண்டுகளை சுமார் அரை மணி நேரம் அப்படியே வைக்க வேண்டும்.
இப்படி செய்தால், மசாலா சுவை நன்றாக கோழி இறைச்சிக்குள் சேர்க்கலாம்.
க்ளீட்டஸ் – காத்திருக்கும் நேரத்தில், காய்ந்த சிவப்பு மிளகாய்களை 2 சென்டி மீட்டர் அளவாக நறுக்கிக்கொள்ளுங்கள்.

வாணி -- 30 நிமிடங்களுக்குப் பின், வாணலியை அடுப்பின் மீது வைத்து அதில் சமையல் எண்ணெயை ஊற்றவும். 5 வினாடிகளுக்குப் பின், நறுக்கப்பட்ட காய்ந்த சிவப்பு மிளகாய்களையும் மிளகுகளையும் வாணலியில் கொட்டி, நன்றாக வதக்கவும்.
க்ளீட்டஸ் – கொட்டிய சீக்கிரத்தில், மிளகாயின் மணம் வரும். மிளகாய் தீய்ந்து போகாமல் தவிர்க்கும் வகையில், வாணலியிலுள்ள மிளகாயின் நிறம் அடர் சிப்பமாக மாறியதுடன் அவற்றை வாணலியிலிருந்து வெளியேற்ற வேண்டும்.

வாணி – நெருப்பை அணைக்கக் கூடாது. கோழி இறைச்சி துண்டுகளை வாணலியில் கொட்டி, நன்றாக வதக்கவும். சுமார் 2 நிமிடங்களுக்குப் பின், கோழி இறைச்சி துண்டுகளின் நிறம் வெள்ளையாக மாறிவிடும். அப்போது, வதக்கப்பட்ட சிவப்பு மிளகாய்களை மீண்டும் வாணலியில் கொட்டி, கோழி இறைச்சியுடன் சேர்த்து வதக்கவும்.

க்ளீட்டஸ் – மிதமான சூட்டில் தொடர்ந்து வதக்கவும். கோழி இறைச்சியின் நிறம் பொன் நிறமாக மாறிய பின், வாணலியில் சிறிதளவு சர்க்கரையை கொட்டலாம்.
வாணி – சுவையான மிளகாய் கோழி இறைச்சி தயார்.
க்ளீட்டஸ் – கோழி இறைச்சி சாப்பிட விரும்பும் நேயர்கள் வீட்டில் இந்த உணவு வகையைத் தயாரித்து ருசிப்பாருங்கள்.