|
இறால் இடம்பெறும் ஒரு வகை நூடுலஸ்
cri
வாணி -- வணக்கம், சீன உணவு அரங்கம் நிகழ்ச்சியில் மீண்டும் சந்திப்பதில் மிக்க மகிழ்ச்சி.
க்ளீட்டஸ் -- வணக்கம். எங்களுடன் சேர்ந்து சுவையான சீன உணவு வகைகளைத் தயாரிக்கலாம்.வாருங்கள்.
வாணி -- க்ளீட்டஸ், தமிழகம் கடலோர பிரதேசத்தில் அமைந்துள்ளது. அங்கே மக்கள் கடல் நீர் வாழ்வினங்களைச் சாப்பிடுவதுண்டு. அல்லவா？
க்ளீட்டஸ் – ஆமாம், மீன், இறால் முதலிய பல வகைகள் கிடைக்கலாம்.
வாணி – தமிழ் நண்பர்களில் இறால் உணவை விரும்பியவர்கள் அதிகம். இன்றைய நிகழ்ச்சியில் இறால் இடம்பெறும் ஒரு வகை நூடுலஸ் தயாரிப்பு முறையை எடுத்துக் கூறுகின்றோம்.
க்ளீட்டஸ் – நல்லது.
வாணி – முதலில் தேவையான பொருட்கள் பற்றி கூறுகின்றேன்.
நூடுலஸ் 200 கிராம்
பூசனிக்காய் 150 கிராம்
பெரிய இறால் 10
வெள்ளைப்பூண்டு 5
கோழி சூப் அரை கோப்பை
சமையல் எண்ணெய் 3 தேக்கரண்டி
உப்பு ஒரு தேக்கரண்டி
அரிசி மது அல்லது சமையல் மது அரை தேக்கரண்டி
க்ளீட்டஸ் – முதலில், பூசனிக்காயைச் சுத்தம் செய்து, அதன் தோல் மற்றும் விதைகளை நீக்க வேண்டும். பிறகு, அதனை பொடிப்பொடியாக வெட்டிக்கொள்ளுங்கள்.
வாணி – இறால்களின் தோலை பிரித்து, அவற்றின் தலைகளையும் நீக்க வேண்டும். வெள்ளைப்பூடுகளை மிக சிறியதாக நறுக்கிக்கொள்ள வேண்டும்.
க்ளீட்டஸ் – வாணலியை அடுப்பின் மீது வைத்து, இதில் 3 தேக்கரண்டி சமையல் எண்ணெயை ஊற்றி, பூண்டுகளை முதலில் இதில் கொட்டி வதக்கவும். பிறகு,
பூசனிக்காய் பொடிகளையும் இதில் கொட்டி, சுமார் ஒரு நிமிடமாக வதக்கவும்.
வாணி – பின்னர், அரை கோப்பை கோழி சூப்பை வாணலியில் ஊற்றி வேகவிடுங்கள். 5 கிராம் உப்பையும், அரை தேக்கரண்டி சமையல் மதுவையும் சூப்பில் சேர்க்க வேண்டும். வாணலியை மூடி வைத்து, அதிக சூட்டில் தொடர்ந்து வேகவிடுங்கள். கொதித்த பின்， மிதமான சூட்டில் மேலும் 3 நிமிடங்கள் வேகவிட வேண்டும்.
க்ளீட்டஸ் – இப்போது, இறால்களை வாணலியில் கொட்டலாம். விரைவில் இறால்களின் நிறம் சிவப்பாக மாறி, அது சுருள் தொடங்கும்.
வாணி – வேறு ஒரு வாணலியை அடுப்பின் மீது வைத்து, 2 ரிட்டர் தன்னீரை ஊற்றி, வெந்நீர் தயார் செய்யுங்கள். அடுத்து, நூடுல்ஸை இதில் கொட்டி வேகவிடுங்கள். நூடுல்ஸ் தயாரிக்கப்பட்ட பின், அவற்றை வாணலியிலிருந்து வெளியே எடுக்கவும்.
க்ளீட்டஸ் – நல்ல சுவை கிடைப்பதற்காக, தயாரிக்கப்பட்ட நூடுல்ஸை ஒரு பாத்திரத்தில் வைத்து, குளிர்ந்த நீரை இதில் ஊற்றவும். பிறகு, இந்த நூடுல்ஸை வெளியே எடுத்து, முன்பு தயாரித்த பூசனிக்காய், இறால் இடம்பெறும் சூப்பில் கொட்டலாம்.
வாணி – சரி, இப்போது, சுவையான நூடுல்ஸ் தயார்.
வாணி – அன்பான நேயர்களே, இன்றைய நூடுல்ஸ் தயாரிப்பு முறை கடினமானதல்ல.
க்ளீட்டஸ் – ஆமாம், தேவைப்படும் பொருட்களும் தமிழகத்தில் கிடைக்கலாம்.
வாணி – நேரம் இருந்தால், வீட்டில் சுவையான சீனப் பாணி நூடுல்ஸை தயாரித்து ருசிப்பாருங்கள்.
க்ளீட்டஸ் – மின்னஞ்சல் மற்றும் வான் அஞ்சல் மூலம், எங்களுடன் தங்கள் சீன உணவு தயாரிக்கும் அனுப்பவங்களை பகிர்ந்து கொள்ள உங்களை வரவேற்கின்றோம்.
|
|
