கால்பந்து

உலக கோப்பை கால்பந்தாட்டத்துக்கான தகுதிப் போட்டியில், மெக்சிகோ, 2 ஆட்டங்களில் மொத்தம் 18 கோல் போட்டு, டொமினிக்காவைத் தோற்கடித்துள்ளது. டொமினிகா, 2 ஆட்டத்திலும் ஒரு கோல் கூடப் போடவில்லை.

ஆர்ஜென்டினாவில், ரிவர் பிலேட் அணி, தேசிய கால்பந்து சாம்பியன்பட்டத்தை வென்றுள்ளது. அட்லெடிகோ ரபோலா அணியுடனான ஆட்டத்தைச் சமன் செய்து, இந்த வெற்றியை அது பெற்றது.

ஐரோப்பிய கால்பந்து சாம்பியன்பட்டப் போட்டி, முடிவடையும் கட்டத்தை நெருங்கியுள்ளது. அரையிறுதி ஆட்டத்தில், போர்த்துகல் 2-1 என்ற கோல் கணக்கில் ஹாலந்தை தோற்கடித்தது. மற்றொரு அரையிறுதி ஆட்டத்தில், ஒரு கோல் போட்டு, செக் குடியரசைத் தோற்கடித்து, கிரீஸ் இறுதி ஆட்டத்துக்கு முன்னேறியுள்ளது.

முதல் ஆட்டத்தில் கிரீசிடம் தோல்வி கண்ட போர்த்துகல், பழிவாங்குவதற்கு நல்ல வாய்ப்பு பெற்றிருக்கிறது. பயன்படுத்திக் கொள்ளுமா எனபதுதான் கேள்விக்குறி.

ஸ்பெயின், இத்தாலி, ஜெர்மனி, இங்கிலாந்து, பிரான்சு ஆகிய வலுவான அணிகள், பரிதாபமாக வெளியேறியதும், டெவிட் பெக்ஹம், ஓவன் ராவ்ல், ஸிதானே, ஹென்றி, லூயிஸ் பிகோ, பெல்லாக் ஆகிய புகழ்பெற்ற ஆட்டக்காரர்கள் ஏதும் சாதிக்க முடியாமல் மண்ணைக் கவ்வியதும் இந்தப் போட்டித் தொடரின் சிறப்பம்சமாகும்.