சீன வானொலி நிலையத்தில் பல மொழிப் பிரிவுகள் காலை ஒலிபரப்பில் ஈடுபடுகின்றன. தமிழ்ப் பிரிவு போல முதலாவவது ஆசிய பகுதியில் ஹிந்தி, உருது, நேபாளம், சிங்களம் முதலிய மொழிப் பிரிவுகள் காலை ஒலிபரப்பைத் துவக்க உள்ளன. தமிழ்ப் பிரிவு அதன் 41வது ஆண்டு நிறைவு நாளான ஆகஸ்ட் திங்கள் 1ம் நாள் தொடங்கி, அதிகாரப்பூர்வமாக 1 மணி நேரம் நிகழ்ச்சிகளை ஒலிபரப்ப எண்ணியுள்ளது. இதற்காக பரிசோதனை முறையில் ஜுலைத் திங்களில் நிகழ்ச்சிகள் 1 மணி நேரம் ஒலிபரப்பாகும். அப்போது நாள்தோறும் செய்திகள் 15 நிமிடம், 2 செய்தித் தொகுப்பு தலா 5 நிமிடம் வீதம், 10 நிமிடம், 3 அல்லது 4 சிறப்பு நிகழ்ச்சிகள் 30 நிமிடம் என அமையக் கூடும். நேயர்களின் பங்கெடுப்பு அதிகரிக்கும். ஆகவே தங்களின் உதவி எங்களுக்கு மிகுதியும் தேவைப்படும்.