சீன தேசிய இனக்குடும்பம் நிகழ்ச்சி, எப்பொழுதும் போல், பல நேயர்களைக் கவர்ந்துள்ளது.

--சீன தேசிய இனக்குடும்பம் நிகழ்ச்சியில், பூ-ய் இன கிராமம் பற்றி கேட்டேன். அந்த கிராமத்திற்கு நேரடியாக சென்று, அந்த இன மக்களுடன் கலந்து வாழ்ந்து, அனுபவித்து கூறியது போன்று இருந்தது. பூ-ய் இன கிராமம் பற்றியும், அவர்களின் வாழ்க்கைத்தரம் பற்றியும் மிகவும் விரிவாகவும் தெளிவாகவும் அறிய முடிந்தது என்கிறார் பாண்டமங்கலம், M.தியாகராஜன்.

--இந்நிகழ்ச்சி மூலம், கொல்பன் எனும் திராட்சை மன்னர் பற்றி அறிந்தேன். தனது தோட்டத்தில் பணிபுரியும் அனைத்துத் தொழிலாளர்களுக்கும் ஒரு சிறந்த நண்பராகவும், ஒரு நல்ல மனிதராகவும் திகழ்ந்து வருவது பாராட்டக்கூடியது என்கிறார் அபினிமங்கலம், K.அருண்.

--விளையாட்டுச் செய்திகள் நிகழ்ச்சியில், சீனா இந்தியா மற்றும் பிற நாடுகளில் நடைபெறும் விளையாட்டு போட்டி பற்றிய செய்திகள், மிகவும் சிறப்பான முறையில் வழங்கப்படுகிறது என்கிறார் மதுரை, R.தில்லை.