சியெ ச்சாயிலுள்ள நீர் மிகவும் மர்மமான முறையில் வண்ணங்கள் மாறுவதற்குப் பல காரணங்கள் உள்ளன என்று சிறு வயதிலிருந்தே சியு ச்சாய்கொவில் வாழ்ந்துவரும் திபெத் இன நங்கை யெவொன் எமது செய்தியாளரிடம் கூறினார். நீரில் 200க்கும் அதிகமான பாசிவகைகள் உள்ளன என்பது இதற்கு ஒரு காரணமாகும். ஏனெனில், தாவரங்களின் நிறம் வேறுபட்டதால் வெவ்வேறான நிறங்களில் நீர் காணப்படுகின்றது. சூரிய ஒளியின் பிரதிபலிப்பினால் நீரின் நிறம் வேறுபடுகிறது என்பது இதற்கு மற்றொரு காரணமாகும். சூரியன் ஒளியில், வேறுபட்ட கோணத்திலும் நேரத்திலும் திசையிலும் நின்றவாறு, சியு ச்சாய்கொவ் நீரைக் காணும் போது, நீரின் நிற மாற்றத்தைக் கண்டுகளிக்கலாம் என்றார் அவர். மழைக்குப் பின், மலைகளுக்கிடையிலும் நீரிலும் வானவில் தோன்றுகிறது. அப்போது சியு ச்சாய்கொவில் நடந்துசென்றால் மனிதருக்குப் பொய்த் தோற்றம் தோன்றக் கூடும். அதாவது, எங்கு வானம்？எங்கு பூமி？என்பது தெரியாத ஒரு காட்சி தென்படும் என்றார் யெவொன்.