அறிவியல் சாதனையில் இரண்டாவது இடம் முதன் முதலாக உள்நாட்டிலேயே வடிவமைத்து கிழக்கு சீனாவின் செச்சியாங் மாநித்தின் சின் ஷான் நகரில் நிறுவப்பட்டு வணிகரீதியில் மின்சார உற்பத்தியைத் தொடங்கிவிட்ட அணு மின்சார ஆலைக்குத் தரப்பட்டுள்ளது. மூன்றாவது இடம் இயற்கை எரிவாயுவைக் கொண்டு செல்வதற்காக 4000 கி.மீ.தொலைவுக்கு கடலுக்கு அடியில் போடப்பட்டுள்ள குழாய்ப் பாதைக்கு கிடைத்துள்ளது.

சீனாவின் வேதியியல் கழகத்தைச் சேர்ந்த சியான் லேய் என்பவரின் தலைமையிலான அறிவியல் அறிஞர்கள் குழு'நேநோ சுவிட்ச்'என்ற ஒரு கருவியை உருவாக்கியுள்ளது. நேநோ நுட்பம் என்பது மிகவும் துல்லியமாக அளவிடக் கூடிய ஒரு முறையாகும். அதாவது ஒரு மைக்ரோ மீட்டரில் ஓராயிரமாவது அளவு தான் ஒரு நேநோ மீட்டர் எனப்படுகின்றது. இப்போது தயாரிக்கப்பட்டுள்ள நேநோ சுவிட்சீ ஒளிவிடும் விளக்கை மாற்றுவதன் மூலம் ஈர எதிர்ப்புத் திறன் உள்ள துத்த ஆஸ்ஸைடை ஈரத்தை ஈர்க்கும் திறனுடையதாக மாற்றும் வல்லமை பெற்றது. இது மருந்து தயாரிப்பிலும் உயிரி நுட்ப ஆராய்ச்சியிலும் பேருதவியாக இருக்கும் என்று மதிப்பிடப்பட்டுள்ளது. தொடர்ந்து மூன்றாண்டுகளாக இந்த நேநோ நுட்பம் 10 முக்கிய ஆராய்ச்சிகளில் ஒன்றாக இடம் பெற்று வருகின்றது.