சிங்கியாங் உய்கூர் தன்னாட்சிப் பிரதேசம், சீனாவில் அதிக நிலப்பரப்பு கொண்ட பிரதேசமாகும். அதன் நிலப்பரப்பு, சீன பரப்பளவில் ஆறில் ஒரு பகுதியாகும். 30 லட்சத்துக்கு வேலான ஹேக்டர் விளை நிலம் உண்டு. பகல் இரவு தட்ப்ப வெட்ப நிலையில், பெரிதும் வித்தியாசம் உள்ளது. அங்கு சூரிய ஒளி போதுமான அளவு கிடைப்பதால், முலாம் பழம், திராட்சைப் பழம் போன்ற பலவகை பழவகைகளும் பருத்தியும் செழித்து வளர்கின்றன. கடந்த சில ஆண்டுகளாக, சிங்கியாங்கில் பாரம்பரிய வேளாண்துறை வலுப்படுத்தப்படும் அதே வேளையில், பலதரப்பட்ட தனித்தன்மை வாய்ந்த தொழில்களின் வளர்ச்சிக்கும் பெரும் ஆதரவு தரப்படுகிறது. விவசாயிகளும் ஆயர்களும் இதனால் நன்மை பெற்று வளமடைந்துள்ளனர்.

Rou Zi Tu Er Xun　என்பவர், Kashi பிரதேசத்தின் Pahataikeli வட்டத்தில் வசிக்கின்றார். முன்பு அவர் விவசாய துறையில் ஈடுபட்டார். என்றாவது ஒரு நாள் தனக்கு புதிய வீடு, மோட்டார் வண்டி செல்லிடப் பேசி கிடைக்கும் என்று சில ஆண்டுகளுக்கு முன் அவர் நினைத்திருக்க மாட்டார். இருப்பினும், சில ஆண்டுகள் கழிந்த பின், இந்த வாழ்க்கை வசதிகள் நடைமுறையாகி விட்டன. மாடு வளர்ப்பு தான், தமது வாழ்க்கையில் மாபெரும் மாற்றத்தை ஏற்படுத்தியது என்று அவர் எமது செய்தியாளரிடம் தெரிவித்தார். 5 ஆண்டுகளுக்கு முன்பு, அவர் தனது பணம் எல்லாவற்றையும் கொண்டு, சில மாடுகளை வாங்கி, குடும்பத் தொழிலாகத் துவங்கினார். இதன் விளைவாக, சில ஆண்டுகளுக்குப் பின், மாடுகளை விற்பனை மூலம் அவர் வளமடைந்து வருகின்றார். கடந்த ஆண்டு, ஒரு லட்சத்து 50 ஆயிரம் யுவானைச் செலவழித்து, புதிய வீடு கட்டினார். அன்றி, உழவு இயந்திரத்தையும் மோட்டார் வண்டியையும் வாங்கினார். முன்பு நினைக்க முடியாத வளமான வாழ்க்கை இப்போது அவருக்கு நனவாகி விட்டது. தற்போது, வேளாண் பணி இல்லாத போது, தனது குடும்பத்தினர்களுடன் வெளியூரில் சுற்றுலா செல்வதும் உண்டு.

"இப்போது எனது வாழ்க்கை மேம்பட்டுள்ளது. முன்பு நாங்கள் நகரில் நுழைந்த போது, மற்றவர் எங்களை இழிவாகப் பார்த்தனர். இப்போது எல்லாரும் சமம். எங்கள் வாழ்க்கை தரம், நகரவாசிகளின் தரம் போன்றது" என்றார், அவர்.

இப்பொழுது, அவர் 60 மாடுகளை வளர்க்கிறார். ஆனால், மாட்டு வளர்ப்புடன் அவர் மனநிறைவு அடையவில்லை. கிராமத்தில் மேலும் அதிகமானோர் மாட்டு வளர்ப்பில் ஈடுபடுகின்றார்கள். எனவே, மாட்டு விற்பனை விலை குறையத் துவங்கியது. எனவே, வட்டியில்லாத கடனைக் கொண்டு, வாத்துப் பண்ணை ஒன்றை நடத்தி, வாத்து விற்பனை மூலம் மேலும் கூடுதலாக சம்பாதிக்க திட்டமிட்டுள்ளார்.

Pahataikeli வட்டத்தில், Rou Zi Tu Er Xun போன்று, வளர்ப்புத்தொழில் மூலம் வளமடைந்த விவசாய குடும்பங்கள் அதிகமாகவுள்ளன. செய்தியாளரிடம் பேசிய இவ்வட்ட தலைவர் Ai Ke Bai Er Tu La Hong, உள்ளூர் அரசு, பல நடவடிக்கைகளை மேற்கொண்டு, இந்த குடும்பங்களுக்கு உதவி அளித்துள்ளதாகக் கூறினார்.

"வளர்ப்புத்தொழிலில் ஈடுபடும் ஒவ்வொரு குடும்பத்துக்கும் 0.06 முதல் 0.2 ஹெக்டர் நிலத்தை இலவசமாக வழங்கியுள்ளோம். தவிரவும், வங்கியிடமிருந்து கடன் வாங்கும் சிக்கலையும் தீர்த்து விட்டோம். கடந்த ஆண்டு முழு வட்டத்திலும் ஒவ்வொரு பெரிய வளர்ப்புத்தொழில் குடும்பத்தின் வருமானம், 30 ஆயிரம் யுவானைத் தாண்டியது" என்றார், அவர்.