சிங்கியாங்கில், Pahataikeli வட்டத்திலுள்ள விவசாயிகள்-ஆயர்களை போல வளமடையும் நம்பிக்கையை, கால் நடை வளர்ப்புத்தொழிலின் மீது வைத்துள்ளனர். நகரத்தில் வாழ்வோர் பலரும், கிராமப்புறத்துக்கு வந்து மாடு ஆடு வளர்ப்பில் ஈடுபட துவங்கியுள்ளனர். Zheng Xiang என்பவர், நகரத்திலிருந்து வந்துள்ள ஒரு புதிய விவசாயி ஆவார். முன்பு அவர் சிங்கியாங்கின் தலைநகரான உருமுச்சியின் ஒரு பள்ளியில் பணி புரிந்தார். ஓய்வு பெற்றதும், அவரது மனைவியுடன் Chang Ji எனும் இடத்தில் கறவை பசு வளர்ப்பில் ஈடுபடத்துவங்கினார்.

"கிராமப்புறத்தில் நகரத்தில் இருந்ததை விட பணம் கட்டுவது வசதி என்று அப்போது நான் நினைத்தேன். அப்போதைய கொள்கையும் நல்லது. எடுத்துக்காட்டாக, கடன் வாங்குவது வசதி. கூட்டு நிறுவனம் இலவசமாக மாட்டுத்தொழுவத்தை எங்களுக்கு வழங்கும். பால் கறத்தல் கருவியும் அளிக்கப்படும். மேலும், பால் விற்பனைக்காக 20 ஆண்டுகால உடன்படிக்கை உருவாக்கப்படும். பொதுவாகக்கூறின், மாடு வளர்ப்பில் மிகக் கவலையானது, பால் விற்பனை பிரச்சினை தான். இப்பிரச்சினை தீர்க்கப்பட்டதில், வேறு பிரச்சினை நிலவாது" என்றார்.

இரண்டு ஆண்டுகளுக்கு முன், அவர் பல லட்சம் யுவானைத் திரட்டி, 20க்கும் அதிகமான கறவைப் பசுகளை வாங்கினார். பின்னர், இந்த கறவைப் பசுகளை விற்பனை செய்வதன் மூலம் வளமான வாழ்க்கை நடத்தத் துவங்கினார். இப்போது, அவரிடம் 60க்கு மேலான கறவைப் பசுகள் உள்ளன. திங்கள்தோறும் பால் விற்பனை மூலம் அவருக்கு சுமார் பத்தாயிரம் யுவான் கிடைக்கின்றது. கிராமப்புறத்தில் பால்பசு வளர்ப்பு பரவாயில்லை எனக் கருதி, இவ்வாண்டில் மேலும் பல கறவை பசுகளை வாங்கத் திட்டமிட்டுள்ளார்.

சிங்கியாங்கில், பாரம்பரிய வேளாண் மற்றும் கால் நடை வளர்ப்பு தொழிலில் ஈடுபடுவதும், நன்றாக சம்பாதிக்கலாம். நிலத்தைச் சாகுபடி செய்வதும் வளமடையலாம் என்று, Zheng Xiang போல இப்போது சிங்கியாங்கில் பலர் கருதுகின்றார்கள். பருத்தி, சிங்கியாங்கின் முக்கிய வேளாண் பயிர். அங்கு சூரிய ஒளி போதிய அளவில் இருப்பதால், பருத்தி தரமானது. அதன் விளைச்சலும் அதிகம். கடந்த சில ஆண்டுகளில், சிங்கியாங்கின் பருத்தி விளைச்சல், சீனாவில் முதலிடம் வகித்துள்ளது. எனவே, சிங்கியாங்கின் விவசாயிகள் வருமானம் பெறுவதற்கான முக்கிய வழிகளில் ஒன்றாக பருத்தி திகழ்கின்றது. தற்போது, பருத்தி பயிரிடுவதன் மூலம் கிடைக்கும் வருமானம், முழு பிரதேசத்து விவசாயிகளின் நபர்வாரி நிகர வருமானத்தில் 40 விழுக்காடு வகிக்கின்றது.

இது போக, சிங்கியாங்கில், தக்காளியை முதுகெலும்பாகக் கொண்ட "சிவப்பு நிற தொழில்" உள்ளது. தற்போது, சிங்கியாங் தன்னாட்சிப் பிரதேசம், உலகில் மூன்று முக்கிய தக்காளி பயிரிடும் பிரதேசங்களில் ஒன்றாகும். ஆண்டுதோறும் அதன் தக்காளி விளைச்சல், 40 லட்சம் டன்னைத் தாண்டுகின்றது. உள்ளூர் சில பெரிய தொழில் நிறுவனங்கள், தக்காளி உற்பத்தியுடன் தொடர்புடைய தொழில்கள் மீது கவனம் செலுத்துகின்றன. இப்போது, இத்தகைய சிவப்பு நிறத் தொழிலின் வளர்ச்சியை ஆக்கப்பூர்வமாக மேம்படுத்தி வருகின்றன. Tun He நிறுவனம், இத்தகைய நிறுவனமாகும். அதன் தலைமை மேலாளர் Qin Ye Long செய்தியாளருக்கு பேட்டியளிக்கையில், கட்டிடப்பொருள் விற்பனை செய்த தமது நிறுவனம், வளர்ச்சியின் மையத்தை, விவசாய உற்பத்திப்பொருள் பதனீட்டு தொழில் மீது நகர்த்தி, கடந்த சில ஆண்டுகால வளர்ச்சி மூலம் சீனாவின் மிகப் பெரிய தக்காளி உற்பத்தி தொழில் நிறுவனங்களில் ஒன்றாக இது மாறியுள்ளதாகத் தெரிவித்தார்.

"எங்கள் மிகப் பெரும்பாலான தக்காளி சாஸ் நாட்டின் தக்காளி சாஸ் உற்பத்தியில் சுமார் 50 விழுக்காடு வகிக்கின்றது. ஆண்டுக்கு உலகின் வர்த்தக அளவில் 17 விழுக்காடு எங்களுடையது. சீனாவின் தக்காளி சாஸ் ஏற்றுமதியில் 40 விழுக்காடாகும்" என்றார்.