முன்பு, மங்கோலிய இன ஆயர்கள் விசாலமான புல்வெளிகளில் நாடோடி வாழ்ககை முறை மேற்கொண்டதால், அவர்கள் அங்கும் இங்குமாக சிதறி வாழ்ந்தனர். எனவே, Hugurchi கலைஞர், Hu Qin இசைக்கருவியை தம் முதுகில் கட்டிக்கொண்டு, எங்கும் சென்று, ஆயர்களின் வீடுகளில் வழக்கமாக, Ulgerஐப் பாடி, தனியொரு நாடோடி வாழ்க்கை நடத்தும் ஆயர்களை மகிழச் செய்தார். 20ம் நூற்றாண்டின் 80ம் ஆண்டுகள் வரை கிராமப்புறக் கால் நடை வளர்ப்புப் பிரதேசங்களில் விழா நாட்களிலும் முதியோரின் பிறந்த நாள் கொண்டாட்டங்களிலும் இக்கலைஞர்கள் வீட்டில் பாடுமாறு வரவழைக்கப்பட்டனர். அடிக்கடி Hugurchi ஆயர் வீட்டில் ஒரு திங்கள் வரை தங்கியிருந்து, இரவுகளில் மூன்று மணிநேரம் பாடினார்.

Zaruud மாவட்டம், Ulgerயின் தொட்டிலாகும். மங்கோலிய இனத்தின் கதைப்பாடல் வரலாற்றில் பிரபலமான பெரியார்களான Pajie, Maoyihan, Zhana முதலியோர் இங்கு பிறந்து வளர்ந்தனர்.

கதைப்பாடல் பெரியார் Maoyihan

Maoyihan, 1906ம் ஆண்டில், Zaruud மாவட்டத்தின் ஒரு ஆயர் குடும்பத்தில் பிறந்தார். குழந்தை பருவத்தில் ஆடல்பாடலில் தேர்ச்சி பெற்ற சித்தியின் செல்வாக்கில், அவர் நாட்டுப்புறக் கலை மீது ஆழந்த அக்கறை கொண்டார். எட்டு வயதில் புகழ் பெற்ற சில Hugurchiகளை, தமது ஆசிரியர்களாக்கி, Ulger பாடும் நுட்பத்தைக் கற்றுக்கொள்ளத் துவங்கினார். பத்து வயதுக்கு மேல், வாழ்க்கைக்காக, அருகிலான மாவட்டங்களுக்குச் சென்று, உள்ளூர் வாசிகளுக்கென கதைபாடினார். இப்போக்கில் சாதாரண விவசாயிகள்-ஆயர்களிடமிருந்து அவர் பலவற்றைக்கற்று உணர்ந்தார். இது பிந்திய அவரது படைப்புகளுக்கு அடிப்படையாய் அமைந்தது. நவ சீனா நிறுவப்பட்ட பின், நாட்டுப்புறக் கலைஞர் என்ற நிலையிலிருந்து தொழில்முறை கலை இலக்கிய பணியாளராக அவர் மாறினார்.

கண்கொள்ளாத புல்வெளியில் முதன்முறையாக தொடர்வண்டி ஓடும் சத்தம் கேட்கும் போது, பெரியார் Maoyihan, ஆசைத்தீர, விவசாயிகளுக்கும் ஆயர்களுக்கும் இன்பம் தரும் தொடர்வண்டியைப் பாராட்டி பாடினார். ஆங்கிலம், பிரெஞ்சு, ஜெர்மன், ஜப்பானிய மொழிகளில் இப்படைப்பு மொழிபெயர்க்கப்பட்டது.

நேயர்களே, இப்போது நீங்கள் கேட்டுக்கொண்டிருப்பது, அண்மையில் இயற்றப்பட்ட Ulger இசை நாடகத்தின் ஒரு பகுதியாகும். "அரசுப் பணியாளர் Niu Yu Ru" என்பது இதன் தலைப்பு.

அரசுப் பணியாளர் Niu Yu Ru என்னும் இசை நாடக அரங்கேற்றம்

Ulger கலை விழா துவங்குவதற்கு முன், Zaruud மாவட்டத்தின் லு பை பட்டிணத்தில் இந்நாடகம் அரங்கேற்றப்பட்டது. மரணமடைந்த Niu Yu Ru, உள்மங்கோலிய தன்னாட்சி பிரதேசத்தின் தலைநகரான Huh Hot நகராட்சி கட்சிக் கமிட்டிச்செயலராக இருந்தார். உள்ளூர்வாசிகளின் வாழ்க்கையை மேம்படுத்துவதற்கு அவர் பெரும் பங்காற்றினார். அவரின் நினைவாக, இந்நாடகம் இயற்றப்பட்டது. இந்நாடகத்தில், பாரம்பரிய Ulger கதைப்பாடல் வடிவமும், யுக எழுச்சியும் ஒன்றிணைக்கப்படுகின்றது. நீண்டகால வரலாறுடைய Ulger கலைக்கு மெருகு ஊட்டுகின்றது. பார்வையாளர் ஒருவர் செய்தியாளருக்கு கூறியதாவது：

"இந்நாடகத்தில், Ulger கலை வடிவம் நன்றாக காணப்படுகிண்றது. Horchin நாட்டுப்புறப்பாடல்களை கேட்க முடிகிறது. தேசிய நடையுடை பாவனைகள், உள்ளடக்கம், கலை வடிவம் ஆகியவற்றில் இந்நாடகம் நன்றாகவுள்ளது" என்றார், அவர்.