தற்போதைய சீனாவில், பழமைவாய்ந்த நீள்ராகப் பாட்டுக் கலை படிப்படியாக அழிக்கப்படுகின்றதா？ Xilin Goule நிர்வாகப் பிரதேசத்தில் உள்ள கலை புத்தாக்க ஆய்வு மையத்தைச் சேர்ந்த கலை விமர்சகர் Wei Ping, பல ஆண்டுகளாக, இது பற்றிய ஆய்வில் ஈடுபடுகின்றார். தற்போது, நீள்ராகக் கலையைக் கற்றுக்கொண்டு, பரவல் செய்து, கையேற்றும் பொருட்டு, உள்மங்கோலிய மேய்ச்சல் பிரதேசங்களின் ஆயர்கள், நீள்ராகச் சங்கங்களையும், நீள்ராக ஆய்வுச் சங்கங்களையும் சுயவிருப்பமாக உருவாக்கியுள்ளனர். அவர் கூறியதாவது： 
"எதிர்காலத்தில், நீள்ராகம் தொடர்ந்து பரவும் என்று நம்புகின்றேன். மேய்ச்சல் பிரதேசங்களில் வாழும் மங்கோலிய இன மக்கள், சிறு வயதில் பேச முடியும் போது, நீள்ராகத்தில் பாட முடியும். நடக்க முடியும் போது, சண்டையிட முடியும் என்று ஒரு நாட்டுப்புற பழமொழி கூறுகின்றது. இதனால், மங்கோலிய நீள்ராகம் தலைமுறை தலைமுறையாக தொடர்ந்து பரவலாகும்" என்றார், அவர்.
நீள்ராகத்தை மேலும் செவ்வனே வளர்த்து, பாதுகாக்கும் பொருட்டு, "நீள்ராக ஊர்" என்ற உள் மங்கோலியாவின் Hulun Beir நகரின் Xin Ba Er Hu Zuo மாவட்டத்தில், "நீள்ராக பாடகர் ஓபெள" அமைக்கப்பட்டுள்ளது. கற்களால் குவிக்கப்படும் ஓபெள, மங்கோலிய இனம் அஞ்சலி செலுத்தும் முக்கிய பொருளாகும். இவை பெரும்பாலும் மலைக் குன்றுகளில் காணப்படுகின்றன. புகழ் பெற்ற நீள்ராகக் கலைஞர் Baoyin Deliger அம்மையாரின் ஆலோசனையின் படி, "பாடகர் ஓபெள" கட்டியமைக்கப்பட்டது. ஓபெளவைக் கட்டியமைப்பதன் மூலம், மேலதிக மக்கள், நீள்ராகத்தில் கவனம் செலுத்தி, இதைப் பாதுகாத்து, தலைமுறைத் தலைமுறையாக பரவல் செய்ய வேண்டும் என்பது அவரின் விருப்பமாகும்.

அஞ்சலி செலுத்தும் விழா நிறைவடைந்த போது, உயர்ந்த மலையில் அமைந்துள்ள "பாடகர் ஓபெளவை" நோக்கி, உள்மங்கோலிய புல்வெளியில் பரவலாக பரவி வரும், "விசாலமான புல்வெளி" என்ற நீள்ராகப் பாடலை அனைவரும் பாடினர். 
நேயர்களே, "பாடகர் ஓபெளவை" பார்த்து, மங்கோலிய இனக் கலைஞர்கள் பாடும் நீள்ராகப் பாடல்களைக் கேட்டு, நீள்ராகம் மீது மங்கோலிய இன மக்களின் அன்புணர்வை, அனைவரும் நேரில் உணர்ந்து கொண்டுள்ளனர். விசாலமான புல்வெளியில், மங்கோலிய இன நீள்ராகம் என்ற தலைசிறந்த தேசிய பண்பாட்டுச் செல்வம், தலைமுறை தலைமுறையாக பரவும் என்பது உறுதி என்று அனைவரும் நம்புகின்றனர்.