சீனாவின் முக்கிய பொருளாதார வளர்ச்சிப் பிரதேசமான யாஞ்சி ஆற்று முகத்துவாரப் பிரதேசத்தில் சான் சோ நகரம் அமைந்துள்ளது. ஷாங்காய், நான் கிங், சூ சோ முதலிய பொருளாதாரத்தில் வளர்ந்த நகரங்களை ஒட்டியமைந்துள்ள இதற்கு மேம்பாடுகள் அதிகம். 2002ம் ஆண்டு முதல், உயர் நிலை தொழிற்கல்வி வளர்ச்சி சீர்திருத்தத்தின் பரிசோதனைப் பிரதேசமாக கொள்ளும் வகையில், சான் சோ நகரில் அறிவியல் கல்வி மண்டலத்தைக் கட்டியமைக்க துவங்கியது. தற்போது, இந்த மண்டலத்தில் தகவல் தொழில் நுட்பம், நெசவு ஆடை, இயந்திரம் முதலிய துறைகளுடன் தொடர்பான 5 உயர் நிலை தொழிற் பள்ளிகள் உள்ளன. கடந்த 5 ஆண்டுகளில், இம்மண்டபம் மிக விரைவாக வளர்ந்துள்ளது. கட்டிட நிலப்பரப்பு 20 இலட்சம் சதுர மீட்டரை நெருங்கியது என்று மண்டல நிர்வாக ஆணைய அலுவலகத்தின் தலைவர் lu jin lin கூறினார். அவர் கூறியதாவது

எமது சான் சோ உயர் நிலை தொழிற்கல்வி மண்டலத்திலுள்ள 5 பள்ளிகள், முழு நாட்டிலுள்ள 14 மாநிலங்கள் மற்றும் மாநகரங்களிலிருந்து மாணவர்களைச் சேர்க்கின்றன. தற்போது, 76 ஆயிரம் மாணவர்கள் இங்கே கல்வி பயில்கின்றனர். பல்வகை வசதிகள் நிறைந்த மண்டலமாக இது மாறியுள்ளது என்றார் அவர்.