உடல், வாய், கண், காது, மூக்கு ஆகிய ஐம்புலன்களால் நாம் உலகை அறிய வருகிறோம். உடல் உணர்கிறது. வாய் சுவைக்கிறது. கண் பார்க்கிறது. காது கேட்கிறது. மூக்கு நுகர்கிறது. எனவே உணர்தல், சுவைத்தல், பார்த்தல், கேட்டல், நுகர்தல் ஆகியவற்றால் நாம் இவ்வுலகை இரசித்து போற்றிக்கொண்டிருக்கிறோம். இந்த ஐம்புலன்களில் ஒன்றையோ அல்லது சிலவற்றையோ இழந்தவர்கள் எப்படி தங்கள் வாழ்வில் செயல்படுகிறார்கள் என்பதை நமது அன்றாட வாழ்வில் பார்த்திருப்போம். பார்வையற்றவர், தான் துணையாக கொண்டு செல்லும் ஊன்றுகோல் மூலம் கரடுமுரடான இடங்களிலும் தடுமாறாமல் நடப்பார். ஆனால் இரண்டு கண்களும் நன்றாக தெரிந்தாலும் சிலர் தட்டுதடுமாறி, விழுந்து, எழுந்து செல்வதை பார்த்திருப்போம். இது எப்படி நடக்கிறது? பார்வையற்றவர் எவ்வாறு இவ்வளவு செவ்வனே நடந்து செல்ல முடிகிறது என எண்ணி சிலவேளைகளில் நாம் வியந்திருக்கலாம்.