லாசா நகரிலுள்ள 3 முக்கிய பெரிய கோயில்களிலான உயர்நிலை துறவிகள் மீது, அப்போதைய 13வது தலாய் லாமா Thubten Gyatso, கடுமையான எச்சரிக்கையை விடுத்தார். உயர்நிலை துறவிகள் கோயில்களின் விதிகளை பின்பற்ற வேண்டும் என்று அவர் கோரிக்கை விடுத்தார். அத்துடன், விதிகளை மீறியவர்களுக்கு கடுமையான தண்டனை கொடுப்பதாக அவர் அறிவித்தார். 1913ம் ஆண்டு, கோயில்களுக்கான நிர்வாகத்தை வலுப்படுத்த, 13வது தலாய் லாமா Thubten Gyatso சிறப்பு விதிகளை வெளியிட்ட போதிலும், சீர்கேட்டு நிலைமை தடுத்துக் கட்டுப்படுத்தப்படவில்லை. பக்கசார்பும், சீர்கேடுகளும் மேலும் கடுமையாயின. 1929ம் ஆண்டு, Lharamba Geshi என்ற பட்டம் பெறுவதற்கான தேர்வை 13வது தலாய் லாமா தானே நேரடியாக கண்காணித்தார். அதன் மூலம், இத்தேர்வில் கலந்து கொண்டவர்கள் பலர் மிகவும் குறைவான தகுதியுடையவர்களாக அவர் கண்டறிந்தார். இன்னும் சொல்லப்போனால், அவர்களுக்கு இத்தேர்வில் கலந்து கொள்ளும் தகுதியே இருக்கவில்லை. லஞ்ச ஊழலில் ஈடுபட்ட கோயில்களின் தலைவர்கள் மீது 13வது தலாய் லாமா கடுமையான தண்டனை நடவடிக்கைகளை மேற்கொண்டார். அதற்கு பிந்தைய சில ஆண்டுகளில், குழப்பநிலையில் இருந்த கோயில்களை அவர் தொடர்ந்து சீர்திருத்தம் செய்தார். சில துறவிகள் ஓரளவில் கட்டுப்பாடாக இருந்த போதிலும், பெரிதாக எந்த பயனும் கிடைக்கவில்லை.