அழிவின் விளிம்பில்

உலக மொழிகளில் அழியும் ஆபத்தில் உள்ள மொழிகளின் பட்டியலை யுனஸ்கோ வெளியிட்டுள்ளது. உலகில் பேசப்படுகின்ற 6,900 மொழிகளில் 2,500 மொழிகள் அழியும் ஆபத்தில் உள்ளதாக குறிப்பிடப்பட்டுள்ளது. 2001 ஆம் ஆண்டு 900 மொழிகள் தான் அழிவின் ஆபத்தில் இருப்பதாக யுனஸ்கோ அறிவித்தது. எட்டு ஆண்டுகளில் இந்த எண்ணிக்கை 2,500 யை எட்டியுள்ளது. 199 மொழிகள் 12 பேருக்கும் குறைவானவர்களால் பேசப்படுகிறது. இதில் உக்கிரேனில் ஆறு பேரால் மட்டுமே பேசப்படுகின்ற Karaim மொழியும், அமெரிக்காவின் Oklahoma வில் 10 பேரால் மட்டுமே பேசப்படுகின்ற Wichita மொழியும், இந்தோனேஷியாவில் நான்கு பேரால் மட்டுமே பேசப்படுகின்ற Lengilu மொழியும் அடக்கம். 178 மொழிகள் 10 முதல் 150 பேரால் மட்டுமே பேசப்படுகின்றன. இந்தியாவிலுள்ள 196 மொழிகளும், அமெரிக்காவிலுள்ள 192 மொழிகளும், இந்தோனேஷியாவின் 147 மொழிகளும் அழியும் ஆபத்திலுள்ளதாக தெரிவிக்கப்பட்டுள்ளது. பல மொழி வேறுபாடுகள் கொண்ட இந்தியா, அமெரிக்கா போன்ற நாடுகள் தான் அதிக மொழிகள் அழியும் ஆபத்தையும் எதிர்நோக்குவதாக 25 நிபுணர்கள் அடங்கிய ஆய்வுக்குழுவை வழிநடத்திய ஆஸ்திரேலிய மொழியிலாளர் Christopher Moseley தெரிவித்திருக்கிறார்.