சுற்றுலா மேம்பாடு

ஷாங்காயில் சுற்றுலா துறையை மேம்படுத்தும் வகையில் புதிய பேருந்து வழிதடம் இவ்வாண்டின் நான்காவது காலாண்டில் அறிமுகமாகவுள்ளது. இந்த பேருந்து வழிதடம் Huangpu மாவட்டத்திலுள்ள மக்கள் சதுக்கம், Yuyuan பூங்கா மற்றும் துறைமுக பகுதிகள் உள்ளிட்ட 17 இயற்கைக் காட்சி தலங்களை சுற்றிபார்க்க வசதியாக அமையும். ஒரு நாளைக்கு 40 யுவான் பயணச்சீட்டு பெற்ற சுற்றுலாப் பயணியர் அந்த நாள் முழுவதும் எத்தனை முறை வேண்டுமானாலும் இந்த பேருந்தில் பயணம் செய்து சுற்றுலாத் தலங்களை பார்வையிடலாம் என்று Huangpu மாவட்ட சுற்றுலாத்துறை அதிகாரி Xia Juping தெரிவித்துள்ளார். அரை மணிநேரத்திற்கு ஒரு பேருந்து என்ற இடைவெளியில் இயங்குகின்ற இந்த பேருந்துகளில் ஆங்கிலம், பிரெஞ்சு, ஜெர்மானிய, இத்தாலிய மற்றும் அரேபிய மொழிகளில் சுற்றுலா இடங்கள் பற்றிய அறிமுகங்களும் வழங்கப்படும்.