இவ்வாண்டு Li Wei என்பவருக்கு வயது 29. மேற்குப் பகுதிக்கு தன்னார்வத்துடன் சேவைபுரியும் திட்டத்தில் சேர்ந்த பல்கலைக்கழக மாணவர்களில் இவரும் ஒருவர். 6 ஆண்டுகளுக்கு முன், சீனாவின் கிழக்குப் பகுதியிலுள்ள Xu Zhou ஆசிரியர் பயிற்சி பல்கலைக்கழகத்திலிருந்து பட்டம் பெற்ற பின், தனது வளமான குடும்பம் தேடி வழங்கிய வேலை வாய்ப்பை மறுத்து, மேற்குப் பகுதியிலுள்ள Shaan Xi மாநிலத்தின் San Yuan மாவட்டத்தில் ஆங்கில மொழி ஆசிரியராக வேலை செய்ய அவர் மனஉறுதியோடு முடிவு செய்தார். குடும்பத்தினரும் நண்பர்களும் அவரது முடிவை எதிர்த்தனர். அவரது காதலி கூட இதனால் அவரை விட்டு பிரிந்தார். ஆனால் அவர் முடிவை மாற்றவில்லை. மேற்குப் பகுதி மீது அவர் எதிர்பார்ப்பு கொண்டிருக்கிறார்.