2001ல் ஏப்ரல் திங்களில், இந்நகரின் காவல் துறைப் பணியகத்தின் தலைவராக ழென் சாங் சியா நியமிக்கப்பட்டார். மஞ்சள் ஆற்றங்கரையில் பிறந்து வளர்ந்த அவர், சிறு வயதிலிருந்தே காவல் துறைப் பணியில் பேரார்வம் காட்டி வந்தார். காவல் துறைப் பள்ளியிலிருந்து பட்டம் பெற்று பணியில் சேர்ந்தது முதல், பணியில் இருந்த போது உயிர்த் தியாகம் செய்தது வரை, மொத்தம் 21 ஆண்டுகள் அவர் இப்பணியில் ஈடுபட்டுள்ளார். அவர் கூறியதாவது—

"சிறுமியாக இருந்த போது, ஆண் பெண் காவல்துறையினர் மீது நான் மிகுதியும் ஆர்வம் காட்டினேன். அவர்கள் வெகு தூரம் சென்றுவிட்டாலும், நான் அண்ணாந்து பார்த்தேன். எதிர்காலத்தில், நானும் காவல் துறையில் சேர்ந்து பணி புரிய வேண்டுமென்று விரும்பினேன். இப்பணி மதிப்பு மிக்கது என நான் கருதுகிறேன். இது என் குழந்தைக்கால லட்சிய சிந்தனையும் ஆகும்."

மாநிலத்தின் தலைநகரான சென் சோ நகரில், அவர் 10 ஆண்டுகள் பணியாற்றினார். உணர்வுபூர்வமாகவும் கண்டிப்பான முறையிலும் செவ்வனே பணியாற்றியதினால் தெங் புங் நகருக்கு, பணி மாற்றம் செய்யப்பட்டார்.