கடந்த சுமார் 10 ஆண்டுகளாக, சேஸியாங் மாநிலத்தின் சுற்றுலா துறை விரைவாக வளர்ச்சியடைந்துவருகின்றது. அதன் மூலம், ஆண்டுதோறும், 8000 கோடி யுவான் வருமானம் கிடைக்கிறது. இது, மாநிலத்தின் மொத்த உற்பத்தி மதிப்பில் 9 விழுக்காடு வகிக்கின்றது. 2003ஆம் ஆண்டு சுமார் 18 லட்சம் வெளிநாட்டுப் பயணிகள் அங்கு சுற்றுலா மேற்கொண்டனர். உள் நாட்டுப் பயணிகளின் எண்ணிக்கை 8 கோடியே 40 லட்சத்தை எட்டியுள்ளது. சேஸியாங் மாநிலத்தின் காட்சித் தலம் பற்றி குறிப்பிடும் போது, அதன் தலைநகரான ஹாங்சொ நகரிலுள்ள சிஹு காட்சித் தலம் பற்றி குறிப்பிடாமல் இருக்க முடியாது. இவ்விடத்தில் பல்லாண்டுகளாக வசித்துவரும் மக்களைப் பொறுத்தவரையிலும் சரி, உலா மேற்கொள்ளும் பயணிகளைப் பொறுத்தவரையிலும் சரி, உலகில் ஈடிணையற்ற எழில் மிக்க காட்சியினால் அவர்கள் ஈர்க்கப்படுகின்றனர்.