எங்களுடைய சிஹு ஏரி மீன் வளர்ப்புக்கென சிறப்புக் குளம் உண்டு. குளத்திலுள்ள நீர், சிஹு ஏரியிலிருந்து கொண்டுவரப்பட்டது. குளத்தில், மீன்களைச் சுமார் ஒரு வாரம் வளர்த்து, சிஹு ஏரி நீரை அவை முழுமையாக அருந்திய பின், சமைக்கப்பட்ட மீனை, உண்மையான சிஹு ஏரி மீன் என்று கூறலாம் என்றார் அவர். மூலப் பொருட்களைத் தேர்ந்தெடுப்பதில் கவனம் செலுத்துவது, தனிச்சிறப்பு வாய்ந்த சமையல் தொழில் நுட்பம் முதலியவை சேஸியாங் கறியின் பொது சிறப்பு ஆகும். வெளிநாட்டுப் பயணிகளின் விருப்பத்துக்கிணங்க, சில பாரம்பரிய கறிகளின் சமையல் வழிமுறையை மாற்றியுள்ளதாக அவர் கூறினார். சவெய்குவான் உணவகத்தின் சிற்றுண்டியும் புகழ் பெற்றது. அதன் கோதுமை உணவு வகை சுட்டத்தக்கது என்றார் அவர்.