40 ஆண்டுகளுக்கு முன்பு, சாம் வோல்ட்டன் எனும் அமெரிக்கர், தமது நகரில் அன்றாடத் தேவைப் பொருட்களை விற்கும் மளிகை சாமான் கடையைத் திறந்தார். Wal-Mart என்பது அதன் பெயர். சில பத்து ஆண்டுகளின் வளர்ச்சி மூலம், இச்சிறு மளிகை சாமான்கள் கடை, ஆண்டுக்கு 28 ஆயிரம் கோடி டாலர் விற்பனை மதிப்பு உடைய உலகின் முதலாவது பெரிய சில்லறை விற்பனை நிறுவனமாக வளர்ச்சியடைந்துள்ளது. இந்த Wal-Mart அங்காடி சீனாவில் 1996ஆம் ஆண்டில் அதிகாரப்பூர்வமாக நுழைந்தது.

உலகின் பல்வேறு இடங்களில் சங்கிலித் தொடர் போல கிளைகள் சீனாவிலும் அமைக்கப்பட்டன. பல Wal-Mart கடைகளில், வண்ண நிறமுடைய "Wal-Mart" சின்னம் பொறிக்கப்பட்டுள்ளது. Wal-Mart பேரங்காடியில் 20 ஆயிரம் வகை பொருட்கள் விற்கப்படுகின்றன.

சில்லறை விற்பனைத் துறையில், விலை மேம்பாடு, தொழில் நிறுவனத்தின் வெற்றிக்கு இன்றியமையாத காரணியாகும். நீண்டகாலமாக, "நாள்தோறும் மலிவு விலை" என்ற ஆதாயத்தை நுகர்வோருக்கு Wal-Mart தந்துள்ளது. Wal-Mart நிறுவனத்தின் வெளிநாட்டு விவகார தலைமை கண்காணிப்பாளர் Xu Jun இது பற்றி கூறியதாவது：

"அன்றாட அலுவலில், செலவை சிக்கனப்படுத்துகின்றோம். அன்றாட அலுவலிலும், அலுவலகத்திலும், பின்னணி சேவையிலும் செலவை மிச்சம் பிடித்து, அதை விலைச் சலுகையாக நுகர்வோருக்கு தருகிறோம். இதன் மூலம், Wal-Martயில் நுகர்வோர் பொருட்களை வாங்கும் போது, நீண்டகாலத்திற்கு விலைச் சலுகையை அனுபவிக்கலாம்." என்றார்.