தற்போது, சீனாவின் உயர் வேக நெடுஞ்சாலையோர நகரங்களிலும், காட்சித் தலங்களிலும் பயணிகளை வரவேற்கும் வசதிகள் அதிகரித்துள்ளன. தரமான பேருந்தில் ஏறி, வழி நெடுகிலும் நகரங்களையும் காட்சித் தலங்களையும் பார்வையிடுவது மிகவும் வசதியானது. மகிழ்ச்சி தரக் கூடியது. பேருந்து மூலம் சுற்றுலா மேற்கொள்ள விரும்பும் பயணிகள் நாள்தோறும் சுமார் 4 மணி நேரம் பேருந்தில் உட்கார்ந்திருக்க வேண்டும். ஒரு நகரை விட்டு, மற்றொரு நகரம் சென்றடைந்த பின்னர், பயணிகள் இந்நகரிலே ஓரிரு நாட்கள் தங்கியிருந்து சுற்றுலா மேற்கொள்வதற்குச் சுற்றுலாப் பணியகம் ஏற்பாடு செய்கின்றது என்று அவர் சொன்னார்.
சீன சர்வதேச சுற்றுலாப் பணியகத்தின் வழிகாட்டி கௌவிவி எங்கள் செய்தியாளரிடம் பேசுகையில், பேருந்தில் சுற்றுலா என்னும் பயண முறையை வெளிநாட்டுப் பயணிகள் மிகவும் வரவேற்கின்றனர். ஏனென்றால், பயணிகள் நெடுஞ்சாலை நெடுகிலும் அமைந்துள்ள காட்சித் தலங்களை நன்கு பார்வையிடலாம். விமான மூலம் பயணம் மேற்கொள்வோருக்கு இத்தகைய அனுபவம் கிடையாது. குறிப்பாக, பெய்ச்சிங்-ஷாங்காய், பெய்ச்சிங்-சிஆன் ஆகிய இரு பாதைகளிலும் சுற்றுலாப் பயணம் செய்தால் வழியில் பார்க்கக் கூடிய இடங்கள் நிறைய உள்ளன என்றார்.
1  2  3