9 ஆண்டுகளுக்கு முன், இணைய தள நிறுவனம் பற்றி Ma Yun பிரச்சாரம் செய்த போது, சீனர்கள் இணைய தளத்தை அறியாமல் இருந்தனர். வீடுவீடாகச் சென்று விளம்பரம் செய்த Ma Yun, ஒரு மோசடிக்காரராகக் கருதப்பட்டார். ஆனால், கடந்த ஆகஸ்ட் திங்கள் பெய்ஜிங்கில் நடைபெற்ற ஒரு செய்தியாளர் கூட்டத்தில், தமது தலைமையிலான Alibaba இணைய தளம் Yahoo (China) நிறுவனத்தை வாங்கியதோடு, 100 கோடி அமெரிக்க டாலர் முதலீட்டையும் பெறுவதாக அவர் அறிவித்தார். இன்று வரை, சீன இணைய தள வரலாற்றில் இது மிகப் பெரிய பேரம் ஆகும். இது பற்றி குறிப்பிடுகையில் அவர் பெருமையுடன் கூறியதாவது—

"கடந்த ஜுலை 26ஆம் நாள் அமெரிக்கா சென்று விமானத்திலிருந்து இறங்கியதும், 'Yahoo (China) நிறுவனத்தை Alibaba நிறுவனம் வாங்கியிருப்பது, கூட்டு நிறுவனத்தை உருவாக்குவதற்காக அல்ல. Yahoo (China) நிறுவனம் Alibaba நிறுவனத்தை வாங்க முடியாது' என்று அந்த வழக்கறிஞர்களிடம் நான் சொன்னேன். இந்த அடிப்படை இல்லா விட்டால், தொடர்ந்து விவாதிக்க வேண்டாம் என்றும் கூறினேன்" என்றார் அவர்.

இந்தக் பேரத்தின் மூலம் Alibaba நிறுவனத்துக்கு 100 கோடி அமெரிக்க டாலர் முதலீடு கிடைத்தது மட்டுமல்ல, Yahoo (China) நிறுவனத்தின் இணைய தளம், Yahoo Search engineer, Instant Messenger, விளம்பரம், Yahoo என்ற தொழில் சின்னத்தை சீனாவில் காலவரம்பின்றி பயன்படுத்தும் உரிமம் ஆகியவையும் கிடைத்தன. அவற்றுக்கு ஈடாக, 40 விழுக்காடு பங்குகளையும், 35 விழுக்காடு வாக்களிப்பு உரிமையையும், இயக்குநர் குழுவில் ஒரு இடத்தையும் Alibaba நிறுவனம் வழங்குகிறது.