சீனாவின் நடு பகுதியில் ஹு நான் மாநிலத்தில் அமைந்துள்ள வூ லிங் மலைத் தொடர் சுமார் சில நூறு கிலோமீட்டர் நீளமுடையது. இங்கே மலை உயரமானது. மலைப் பிரதேசத்தில் பல்வகைச் செடிகள் உள்ளன. ஹு இங் சியாங்கின் குடும்பம் தலைமுறை தலைமுறையாக இந்த மலைப் பகுதியில் வாழ்ந்து வருகின்றது. 52 வயதான அவர், துவக்க பள்ளியில் மட்டும் பயின்றார். ஆனால், திறமையானவர். வேளாண்மை வேலையில் ஈடுபடுவதில் வருமானம் குறைவு. ஆகையால், 10 ஆண்டுகளுக்கு முன் பணம் சேமித்து, அவர் ஒரு சிறிய கடையை நடத்தினார். கடையில் விவசாயிகளுக்குத் தேவைப்படும் அன்றாத பொருள்கள் விற்பனையாகின. இந்தக் கடை மூலம் ஹு இங் சியாங் அதிக லாபம் ஈட்டினார்.

1996ஆம் ஆண்டு, வூ லிங் மலைப் பிரதேசத்தில் கடும் வெள்ளப் பெருக்கு ஏற்பட்டது. வெள்ளத்தில், ஊரில் வீடுகளும் சாலைகளும் சேதமடைந்தன. ஹு இங் சியாங்கின் வீடும், கடையும் இடிந்தன.

அந்த வெள்ளம் ஹு இங் சியாங்கின் வாழ்க்கையை மாற்றியது. வெள்ளம் கடும் பாதிப்பை ஏற்படுத்தியது. மலைப் பிரதேசத்தில் மரங்கள் மட்டுமே பசுமையாக இருந்தன. அரசிடம் இருந்து நிவாரணத் தொகையை பெற்றாலும், வாழ்க்கை வளமடையவில்லை. சொந்த உழைப்பு, அறிவு ஆகியவற்றின் மூலம் தான் வாழ்க்கை தரத்தை உய்த்த முடியும் என்று அவர் எண்ணினார். ஒரு வகையான இயற்கை தேயிலைச் செடி அவருடைய மனதில் தோன்றியது.

அந்தப் பகுதியின் காலநிலை, மண் இந்த தேயிலைச் செடிகள் வளர்வதற்கு ஏற்றது. இந்த செடியின் இலையை வாயில் போட்டு, மென்றால், தாகம் தணியும். சுவையானது என்றார் அவர்.