பெய்ஜிங்கில், ஒலிம்பிக் விளையாட்டுப் பொருட்களை விற்பனை செய்ய சிறப்பு அனுமதி பெற்ற கடை ஒன்றில், "குட்டிநண்பர்கள்" பொருட்களை வாங்கும் மக்களின் கூட்டம் அதிகமாகக் காணப்படுகிறது. அந்த நாள் இக்கடையில் விற்பனை செய்யப்பட்ட பஞ்சுப் பொம்மைகளை வாங்கும் அதிர்ஷ்டம் திரு Lu Linக்கு கிடைத்தது.

"முதலிலேயே, பஞ்சுப் பொம்மைகளை நான் வாங்கி விட்டேன். இந்த பஞ்சுப் பொம்மைகளை வாங்குமாறு என்னை வெளியூரில் உள்ள நண்பர் வேண்டிக் கொண்டார்." என்றார் அவர்.

திரு Lu Lin போல், பஞ்சுப் பொம்மைகளை வாங்கும் அதிர்ஷ்டம் Jiang Jin என்ற இளம் பெண்ணுக்கு இல்லை. தாம் மிக விரும்பும் பஞ்சுப் பொம்மைகளை வாங்க முடியாமல் போனதால், "குட்டிநண்பர்கள்" படம்போட்ட பட்டுத்துணியை வாங்கியதாக அவர் ஏமாற்றத்துடன் செய்தியாளரிடம் கூறினார்.

பெய்ஜிங் ஒலிம்பிக் விளையாட்டுச் சின்னங்களான Beibei, Jingjing, Huanhuan, Yingying, Nini ஆகிய 5 குட்டிநண்பர்களும் நெருக்கமானவர்கள். இனிய நண்பர்கள். அவர்களின் வடிவில், மீன், பாண்டா, ஒலிம்பிக் ஒளிப்பந்தம், திபெத் மறிமான், குருவி ஆகிய உருவங்கள் காணப்படுகின்றன. ஐந்து "குட்டிநண்பர்களின்" பெயர்களை இணைக்கும் போது, சீன மொழியில் "பெய்ஜிங் உன்னை வரவேற்கிறது" என்று பொருள்படுகிறது.