ஒவ்வொரு நாள் அதிகாலையிலும், பெய்ஜிங் மாநகரின் மேற்கு பகுதியிலுள்ள ஹாய்தே பூங்கா குடியிருப்பு பகுதியின் சதுக்கத்தில் சுமார் 100 முதியவர்கள் ஒன்று கூடி, அருமையான இசையுடன் ஆடுகின்றனர். இந்த முதியவர்களின் தலைமுடி நரைத்து விட்ட போதிலும், ஆரோக்கியமாக இருக்கிறார்கள். அவர்களின் நடனத்தில் அழகும் நளினமும் தெரிகிறது. ஆடலின் மூலம் தனக்கு தானே மகிழ்வித்து, அருமையான நேரத்தை அனுபவிக்கின்றனர். ஹாய்தே பூங்கா குடியிருப்பு பகுதியின் உடல் பயிற்சி ஆடல் குழுவைச் சேர்ந்த முதியோர்கள் அங்குள்ள அழகான காட்சியாக மாறியுள்ளனர்.

யே தொ சியா அம்மையார் இந்த ஆடல் குழுவை உருவாக்கினார். வேலையிலிருந்து ஓய்வு எடுக்கும் முன், அவர் ஆடலை விரும்பினார். 2000ஆம் ஆண்டில் குடியிருப்பு பிரதேசத்தில் வசிக்கும் முதியோர்களை அவர் ஒன்று சேர்த்து இந்த உடல் பயிற்சி ஆடல் குழுவை உருவாக்கி, இலவசமாக பயிற்சி அளித்தார். முதியோர்களின் தனிச்சிறப்புக்கு இணங்க, உடலின் இயக்கங்களை இணைத்து, எளிய ஆடல் இயக்கங்களை அமைத்தார். ஒவ்வொரு நாள் அதிகாலையிலும் முதியோர்கள் பலர் அவருடன் சேர்ந்து ஆடுகின்றனர். முன்பு 10க்கு மேற்பட்டவர் அடங்கிய இந்த ஆடல் குழுவில் தற்போது சுமார் 100 பேர் உள்ளனர். குடியிருப்பு பிரதேசத்தில் உள்ள முதியோர்கள் ஆடலை வரவேற்கின்றனர் என்று யே தௌ சியா அம்மையார் கூறினார்.