கடந்த சில ஆண்டுகளாக பெய்ஜிங் மாநிலத்தின் பிங் கு பகுதியின் Gua Jia Yu கிராமத்தில், பழக்கவழக்க சுற்றுப் பயணம் என்ற திட்டம் நடைமுறையில் உள்ளது. அந்த ஊருக்கே வரித்தான சிறப்புடைய மர வீடுகள் இந்த கிராமத்தில் ஒழுங்கான முறையில் கட்டப்பட்டுள்ளன. வீடுகளுக்கு வெளியே, சூரிய வெப்ப மின்சாரம் அல்லது காற்று வள மின்சார சாதனங்கள் பொருத்தப்பட்டுள்ளன. கிராமம் முதுவதும், பழமையின் பிடியில் இருந்து விடுபட்டு, நவீன மயமாக்கம் தெரிகிறது.

ஊராட்சி தலைவரின் உதவியாளர் ஹு தியன் வெய், நல்ல கட்டான உடல் கொண்ட இளைஞர். கடந்த ஆண்டில் பெய்ஜிங் பூங்கா மற்றும் காட்டு நிர்வாக கழகத்தில் பட்டம் பெற்று, இந்த கிராமத்துக்கு வந்து, உதவியாளராக பணி புரிகிறார். இந்த கிராமம், வேலை பார்க்கும் பல்கலைக்கழக மாணவர்களுக்கு நல்ல வாய்ப்பை வழங்குகிறது, குறிப்பாக, இந்த கிராமத்தில் வேலை செய்து சாதனைப் பெறலாம் என்பதால் இதை தெரிவு செய்ததாகக் கூறினார்.

ஹு தியன் வென் போன்று கிராமங்களுக்குச் சென்று வேலை செய்வதென முடிவு செய்த, படிப்பை முடித்த பல்கலைக்கழக மாணவர்களின் எண்ணிக்கை, கடந்த சில ஆண்டுகளாக அதிகரித்து வருகிறது. சீனாவில் பெரும்பாலான மாவட்டங்களில், உயர் கல்வித் தகுதி பட்டம் பெற்ற கீழ் மட்ட ஊழியர்கள் பலர் உள்ளனர். எடுத்துக்காட்டாக, ஹே நான் மாநிலத்தின் பிங் திங் சான் நகரில், 3000த்துக்கும் அதிகமான பல்கலைக்கழகத்தில் பட்டம் பெற்ற ஊழியர்கள் உள்ளனர். அவர்கள் சிறு நகரங்களுக்கும் கிராமங்களுக்கும் சென்று, விவசாயிகளுக்கு உதவி வழங்கி, நண்பர்களாகின்றனர்.