55 வயதான மேமேதி ஹ்ஸ்மு, சிங்கியாங்கின் யூ தியன் மாவட்டத்தில் தலைமுறை தலைமுறையாக மருத்துவத்தில் ஈடுபட்டு வரும் விகுர் இன குடும்பத்தில் பிறந்தார். குழந்தை பருவத்திலேயே அவர், விகுர் இன மருத்துவயியல் பேரக்கறையை காட்டினார். அவர் கூறியதாவது：

"எனது தந்தையின் தம்பி, உள்ளூரில் பிரபலமான விகுர் இன மருத்துவர். துவக்கப் பள்ளியில் படிக்கும் போதே, பாடம் முடிந்த பின் அவரது மருத்துவ நிலையத்துக்குச் சென்று, அவர் நோயாளிகளுக்கு மருத்துவம் பார்ப்பது, மருந்துகளை நோயாளிகளுக்கு உகந்த முறையில் தேர்ந்தெடுத்து வழங்குவது எப்படி என்று பார்த்தேன். சில வேளையில், மருந்தை மாவாக்குவதில் அவருக்கு உதவுவதும் வழக்கம். அப்போது விகுர் இன மருத்துவயியலை பூர்வாங்க ரீதியில் அறிந்து கொண்டேன்" என்றார்.

அப்போது முதல், வளர்ந்த பின், ஒரு மருத்துவராக வேண்டும் என்ற கருத்து மேமேதி ஹ்ஸ்மு மனதில் ஏற்பட்டது. உயர் இடைநிலைப்பள்ளியில் படித்து முடித்த பின், அவர், உள்ளூர் கிராமத்தில் மருத்துவராகப் பணிபுரிய துவங்கினார். பகலில், அவர் நோயாளிகளுக்கு சிகிச்சை அளித்தார். இரவில் மருத்துவ தரவுகளைத் தேடிப்பார்த்து படித்தார். மருத்துவயியல் மீதான பற்று, தம் முயற்சி ஆகியவற்றினால், மேமேதி ஹ்ஸ்முவின் மருத்துவ சிகிச்சை தரம் உயர்ந்து கொண்டே இருந்தது.