இந்த மூளை வரைபட நுட்பம், அதாவது மூளையின் அதிர்வுகள் மாற்றங்களைக் கொண்டு ஒரு மனிதரின் சிந்தனையை அறிந்துகொள்ளும் தொழில்நுட்பம் ஒழுங்கமைவோடு, நெறிப்படுத்தப்பட்டால் அது குற்றவாளிகளை விசாரிக்கவும், சில குற்றங்கள் நிகழாமல் தவிர்க்கவும் உதவும். ஆங்கில திரைப்படங்கள் இதுபோன்ற தொழில்நுட்பங்களை உட்புகுத்திய கதைகளை ஏற்கனவே திரையில் காட்சிகளாக்கியுள்ளன. ஆனால் இவையெல்லாம் சாத்தியமா நடைமுறையில் சாத்தியமா என்பதுதான் கேள்வி. இந்த தொழில்நுட்பங்கள் எல்லாம் புதிது புதிதாக தோன்றியவண்ணம் உள்ளன. இந்த வேளையில் இவை தொடர்பான தார்மீக, நெறிமுறைகள் சார்ந்த விவாதங்களும், ஆலோசனைகளும் அவசியம். இல்லையென்றால் என்றாவது ஒரு நாள் இந்த தொழில்நுட்பங்கள் நடைமுறைக்கு வந்து ஏதாவது குழப்பத்தை ஏற்படுத்த நாம் கைகளை பிசைந்தபடி நிற்க வேண்டியிருக்கும் என்கிறார் பேராசிரியர் ஜான் டைலன் ஹெய்ன்ஸ்.