குடியும் குடித்தனமுமாக வாழலாம் என்று நினைத்தேன், குடியை மட்டுமே கொடுத்துவிட்டு யாருடனோ குடித்தனம் நடத்த போய்விட்டாளே என்று, தாடி வளர்க்காத தேவதாஸ்கள் இன்றைக்கும் இருக்கத்தான் செய்கிறார்கள். நான் நேசிப்பதும், ஸ்வாசிப்பதும் உன் நினைவால் தானே என்று இழந்த காதலனையே நினைத்து மாய உலகில் வாழ்ந்துகொண்டிருக்கும் பெண்களும் இல்லாமல் இல்லை.

சங்கக்காலம் முதல் இன்றைய தகவல் தொழில்நுட்ப காலம் வரை, ஆண்களும் பெண்களும் பழகும் முறைகளும், காதல் உருவாகும் சூழலும் மாறினாலும், காதல் என்பது இன்று வரையிலும் இருந்தால் இன்ப உலகம், முறிந்தால் துன்ப நரகம் என்பதாகவே அமைந்து கிடக்கிறது.