வரலாற்றுக் கண்ணோட்டத்தில் பார்க்கையில் பண்டைக்கால ஒலிம்பிக்கின் காலம் சீன வரலாற்றின் கிழக்கு ஷோ வம்சம் மற்றும் ஜின் வம்ச காலங்களை உள்ளடக்கியது எனலாம். சிங் வம்சகாலத்தின் குவாங் ஷு கட்டத்திலிருந்து இன்றைய சீன மக்கள் குடியரசு வரையான காலம் நவீன ஒலிம்பிக் காலமாகும்.

பட்டுப்பாதையின் மூலம் கிழக்கிற்கும் மேற்கிற்கும் இடையிலான வர்த்தக மற்றும் பண்பாட்டு பரிமாற்றங்கள் இரண்டாம் நூற்றாண்டு முதல் நடைபெற்றன. ஆனால், பண்டைக்காலத்தில் சீனாவுக்கும் கிரேக்கத்துக்குமிடையில் விளையாட்டு சார்ந்த எந்த தொடர்பும் இருக்கவில்லை. மறுபுறத்தில் நவீன ஒலிம்பிக்கை பார்க்கையில், அதன் ஆரம்ப காலக்கட்டத்திலிருந்தே சீனாவின் தொடர்பு இருந்துவந்துள்ளது. இதற்கு சீனாவும், கிரேக்கமும் விளையாட்டுத் துறையின் தோற்றம் மற்றும் வகைகளில் கொண்டுள்ள ஏறக்குறைய ஒரெ மாதிரியான அம்சங்களே காரணம் எனலாம். இவ்விரு நாடுகளின் சமூக அரசியல் வாழ்க்கையிலும், பண்பாட்டிலும் விளையாட்டு ஆழப்பொதிந்துள்ளது.