கொசு, ஈ, கரப்பான்பூச்சி, எலி முதலிய உயிரினங்கள், எலி காய்ச்சல், dengue காய்ச்சல் முதலிய தொற்று நோய்களைப் பரவல் செய்பவை. அது மட்டுமல்ல, அவை கடித்தால், விளையாட்டு வீரர்களின் விளையாடும் திறனையும் ஓய்வையும் ஓரளவு பாதிக்கும். ஆகையால், ஒலிம்பிக் விளையாட்டு்ப் போட்டிகளை நடத்தும் நகரங்களில் நோய் தொற்றுயிரிகளைக் கட்டுப்படுத்தும் நிலைமை ஒலிம்பிக் விளையாட்டுப் போட்டியை நடத்தும் பயனுடன் தொடர்புடையது. சீன சுகாதார அமைச்சின் நோய் தடுப்பு மற்றும் கட்டுப்பாட்டு துறையின் தலைவர் qi xiao qiu கூறியதாவது

ஒலிம்பிக் விளையாட்டுப் போட்டியை நடத்தும் போது, மிகப் பல விளையாட்டு வீரர்களும், பயிற்சி அளிப்பவர்களும், செய்தியாளர்களும், சுமார் 6 இலட்சம் வெளிநாட்டுப் பயணிகளும் சீனாவுக்கு வரவுள்ளனர். அதேவேளையில், உள்நாட்டுப் பயணிகளின் எண்ணிக்கை 11 இலட்சத்தை எட்டக்கூடும். சீனப் பொது சுகாதார பாதுகாப்புப் பணிக்கு இது மாபெரும் நிர்பந்தம் கொண்டு வரும். ஆகையால், நோய் தொற்றுயிரிகள் தடுப்பு மற்றும் கட்டுப்பாட்டுப் பணியை வலுப்படுத்துவது, குறிப்பாக, நோய் தொற்றுயிரிகளைக் கட்டுப்படுத்துவதற்கான உத்தரவாத ஆற்றலையும் தொழில் நுட்ப தரத்தையும் உயர்த்துவது, ஒலிம்பிக் விளையாட்டுப் போட்டியை வெற்றிகரமாக நடத்துவதற்கு மிக முக்கியமானது என்றார் அவர்.