பாண்டிச்சேரி N.பாலகுமார்
இன்றைய திபெத் நிகழ்ச்சியில் திபெத்தில் உள்ள புத்த துறவிகள் செய்யும் அன்றாட பணிகள் விரிவாக எடுத்துரைக்கப்பட்டது. தனிப்பட்ட பணிகள் என்றில்லாமல், சாதாரண மனிதர்களை போலவே, புத்த துறவிகளும் பணிகள் செய்துவருவதை அறிந்தேன். எப்போதுமே ஒரு நிலப்பகுதிக்குள் வாழும் மக்களை ஒருங்கிணைப்பதிலும், அவர்களோடு இணைந்துவாழ்வதிலும் புத்த துறவிகள் சிறந்த உதாராணமாக திகழ்கிறார்கள்.
விஜயமங்கலம் குணசீலன்
சீன பொருட்கள் என்றாலே இந்தியர்களுக்கு ஒருவித ஈர்ப்பு உண்டு. அதிலும் சீருந்து என்றால் சொல்ல வேண்டியதில்லை. சீருந்து வாங்குவதில் தனி ஆர்வம் கொண்டுள்ள இந்தியர்கள் சொகுசு சீருந்தில் இன்பப் பயணம் மேற்கொள்வதில் மகிழ்ச்சியடைகிறார்கள். ஆகவே சீன சீருந்துகளுக்கு இந்தியாவில் என்றுமே வரவேற்பு இருக்கும். இந்திய சந்தையில் சீனா சீருந்துகளின் தேவை முக்கிய இடம்பெறும். இத்துறை பற்றி தெரிவித்த சீன வானொலிக்கு நன்றிகள்