சீட்டுக்கட்டில் சட்டங்கள்

தங்கள் சொந்த ஊர்களை விட்டு இடம்பெயர்ந்து வெளியூர்களில் வேலைசெய்யும் கூலித் தொழிலாளர்களின் வேலைவாய்ப்பை உத்தரவாதம் செய்ய சீனாவின் பல்வேறு மாநிலங்கள் முயற்சி செய்துவருகின்றன. சீனாவின் Hainan மாநிலம் அதனுடைய தலைநகரான Haikou விலுள்ள Longquan னில் வேலைவாய்ப்பு கண்காட்சியை நடத்தியது. வேலைவாய்ப்பு பற்றிய தகவல்கள், தொடர்புகள் வழங்கப்படும் அதே இடத்தில் தொழிலாளர் நல சட்டங்கள் பற்றிய தகவல்களும் அளிக்கப்பட்டன. பொதுவாக மக்கள் விளையாடும் சீட்டுக்கட்டில் தொழிலாளர் சட்டங்களை அச்சிட்டு விழிப்புணர்வு ஏற்படுத்தினர். தொழிலாளர்கள் வேலைவாய்ப்பு பெறுவது மட்டுமல்ல அவர்களின் சட்டபூர்வ நலன்களை அறிய செய்வதும் பாராட்டப்பட வேண்டிய முயற்சிகள்.