உறுப்பினர் தைவாங் சாஸி திபெத்தின் நாச்சு பிரதேசத்து ஆயர் மகன். தற்போது, திபெத் தன்னாட்சிப்பிரதேசத்தின், தொழிற்துறை வணிக சம்மேளனத்தின் துணைத் தலைவர். ஜொல்மோ லுங்மா குழுமத்தின் தலைமை இயக்குநர். சீர்திருத்த மற்றும் வெளிநாட்டுத் திறப்புப்பணி துவங்கிய போது, கிராமப்புற தொழில் நிறுவனத்தைப் பெரிதும் வளர்ச்சியுறச் செய்யுமாறு நடுவண் அரசு எடுத்த வேண்டுகோளை முனைப்புடன் வரவேற்று செயல்படலானார். அதனால், சீனப் பொருளாதார சீர்திருத்தம் என்ற பேரோட்டத்தில் ஒரு செயல்வீரராக மாறியுள்ளார். அவரது ஜொல்மோ லுங்மா குழுமத்தின் அலுவலானது, சுற்றுலா, தாதுப்பொருள், கட்டிடம் முதலிய பல துறைகளுடன் தொடர்புடையது. திபெத்தில், அதற்குப் பல கிளைகள் உண்டு. அதன் மொத்த சொத்து மதிப்பு, பத்து கோடி யுவானைத் தாண்டியுள்ளது.

நானே, ஒரு மாற்றம் தான். அரசியல் கலந்தாய்வு மாநாட்டுத் தேசியக்கமிட்டியின் கூட்டத்தொடரில் அரசு விவகாரங்களில் பங்கு கொள்ளும் அரசு சாரா தொழில் நிறுவனத்தின் பிரதிநிதி எவரையும் முன்பு திபெத் அனுப்ப இயலாது. அரசு சாரா தொழில் நிறுவனத்தின் வளர்ச்சி, சீனப் பொருளாதாரத்தின் வளர்ச்சிக்கும், சீனத் தனித்துவம் வாய்ந்த சோஷலிச சந்தைப் பொருளாதார அமைப்பு முறையின் வளர்ச்சிக்கும் துணை புரிவதாக, நடுவண் அரசும் தன்னாட்சிப் பிரதேச அரசும் கருதுகின்றன என்றார் அவர்.