27 வயதான விவசாயி Lu Zhong Jun முன்பு வெளியூரில் வேலை செய்தார். 2004ஆம் ஆண்டின் ஜுலை திங்களில், தனது குடும்பத்தினர்களைப் பார்க்க அவர் ஊர் திரும்பினார். இரவு பள்ளியில் பாடம் சொல்லிக்கொடுததை கேட்ட அவருக்கு, பொலி முயலை வளர்க்கும் எண்ணம் தோன்றியது. ஆகஸ்ட் திங்கள், நகரிலுள்ள பணியை அவர் கைவிட்டார். Huang Xiaoவின் உதவியுடன், Hu Nan மாநிலத்தின் பொலி முயல் வளர்ப்புப் பண்ணையிலிருந்து பொலி முயல்களை அவர் வாங்கி, வளர்க்கத் துவங்கினார். தற்போது, முன்பு இருந்த 40 பொலி முயல்கள் இனப்பெருக்கம் செய்து, 500 முயல்களாக அதிகரித்துள்ளன. இவ்வாண்டின் பிப்ரவரி வரை, 8 ஆயிரம் யுவான் செலவுத் தொகையை கழித்த பிறகு, 2 ஆயிரம் யுவான் லாபம் கிடைக்கும் என்று அவர் மகிழ்ச்சியுடன் செய்தியாளருக்கு தெரிவித்தார்.

Qing Shan வட்டத்தின் Da Lin கிராமத்தில் சுமார் 30 குடும்பங்கள் இருக்கின்றன. அவற்றில் 10க்கு அதிகமான குடும்பங்கள் பணப் பயிர்களை சாகுபடி செய்யத் துவங்கின. 5 குடும்பங்கள் கால் நடை வளர்ப்புத்தொழிலில் ஈடுபடுகின்றன. பொருளாதாரம் உயர்ந்துள்ளது. அங்கு, Huang Xiao மற்றும் இதர தொண்டர்களுக்கு நல்ல வரவேற்பு கிடைக்கிறது.

மற்றவர்களின் வாழ்க்கையில் மாற்றம் ஏற்படுத்துவது என்பது Huang Xiao போன்ற தொண்டர்களுக்கு ஒரு வகை இன்பமாகும். 2004ஆம் ஆண்டின் ஆகஸ்ட் திங்களில், Huang Xiaoவின் சேவை காலம் முடிவடைந்தது. இச்சேவை காலத்தை ஓராண்டு நீட்டிக்குமாறு விண்ணப்பத்தை அவர் முன்வைத்தார்.

மேற்கு பகுதி திட்டத்தின் தொண்டர்கள்க் குறித்து, Huang Xiao தங்கியிருக்கின்ற வட்டத்தின் பொறுப்பாளர் Wang Sheng Li செய்தியாளருக்கு கூறியதாவது:

"இத்தொண்டர்கள் மக்களுக்கு நலனை தந்துள்ளனர். வருமானம் அதிகரிக்கக்கூடிய நம்பிக்கையையும் அவர்களுக்கு ஏற்படுத்துகின்றனர். இதற்கிடையில், தங்களைப் புடம்போட்டெடுத்து வளர்க்கும் வாய்ப்பை அவர்கள் பெற்றுள்ளனர்" என்றார் அவர்.