சின் ஜியாங்கிலுள்ள எண்ணெய் படிவுகளின் அளவு 2000 கோடி டன்னைத் தாண்டி விட்டது என்று அரசு மதிப்பீடு தெரிவிக்கிறது. அங்குள்ள இயற்கை வாயுவின் படிவு அளவு 11 லட்சம் கோடி கன மீட்டரை நெருங்கியுள்ளது. அங்கு கண்டறியப்பட்ட நிலக்கரி படிவுகளின் அளவு, சீனாவில் உள்ள நிலக்கரியின் மொத்த படிவுகளில் 40 விழுக்காடு ஆகும். மூலவள வளர்ச்சியில் சின் ஜியாங்கிற்கு பெரும் உள்ளார்ந்த ஆற்றல் உண்டு.

கடந்த நூற்றாண்டின் தொடக்கத்தில் சின் ஜியாங் எரியாற்றல் வளர்ச்சி செய்யத் தொடங்கி, இத்தோடு சுமார் 100 ஆண்டுகள் ஆகி விட்டன. ஆனால், கடந்த பல பத்து ஆண்டுகளில் தான், சின் ஜியாங்கின் எரியாற்றல் தொழில் உண்மையாக விரைவான வளர்ச்சி கண்டுள்ளது. அந்த காலத்தில், சின் ஜியாங் பொருளாதாரத்தின் வளர்ச்சியை விரைவுபடுத்த, அங்கு எண்ணெய், இயற்கை வாயு உள்ளிட்ட மூலவளங்களைக் கண்டறிந்து வளர்ப்பதற்கான முதலீட்டை சீன அரசு அதிகரித்துள்ளது. பல பெரிய எண்ணெய் வயல்கள், எண்ணெய் தளங்கள் மற்றும் வேதியியல் தொழில் தளங்கள் சின் ஜியாங்கில் தொடர்ச்சியாக நிறுவப்பட்டுள்ளன. 1990ஆம் ஆண்டு முதல் 2001ஆம் ஆண்டு வரை மட்டும், எரியாற்றல் வளர்ச்சி மற்றும் கட்டுமானத்துக்கு சீன அரசு மொத்தமாக 12 ஆயிரம் கோடி யுவான் ஒதுக்கீடு செய்துள்ளது.