இவ்வாண்டின் பிப்ரவரி திங்களில், hei longjiang மாநிலத்தின் qi taihe நகரின் மக்கள் மருத்துவமனை இம்மாவட்டத்துக்கு ஒரு மருநத்துவ குழுவை அனுப்பியது. அறுவை சிகிச்சைத் துறையின் துணை இயக்குநர் si congmei, மயக்க மருந்து நிபுணர் wei xiaowen, செவிலியர் qu lihui ஆகியோர் அடங்கிய இம்மருத்துவ உதவிக் குழு, bu ren மாவட்டத்தில், அரையாண்டு காலம் நீடித்த திபெத்திற்கான தொழில் நுட்ப உதவி நடவடிக்கையை மேற்கொண்டது. இக்குழு, bu ren மாவட்ட மக்கள் மருத்துவமனைக்கு வந்த சிறிது காலத்திற்குப் பின், மகப்பேற்று சிக்கலுடன் Drolma என்ற கர்ப்பிணிப் பெண், மருத்துவமனைக்கு வந்தார். ஆலோசனைக்கு பின் அந்த பெண்ணுக்கு உடனடி அறுவை சிகிச்சை செய்வதன் மூலம் குழந்தையை வெளியே எடுக்கலாம் என்று மருத்துவக்குழு தீர்மானித்தது. அறுவை சிகிச்சையறைக்கு வெளியே காத்திருந்தவர்கள், திபெத் மொழியில் தங்களுக்குள் பேசிக்கொண்டனர். மேலை நாட்டு மருத்துவத்தின் மீதான கவலையும், சந்தேகமும் அவர்கள் மனதில் தீவிரமாக இருந்தது.