© China Radio International.CRI. All Rights Reserved.
16A Shijingshan Road, Beijing, China. 100040
வெளிநாடுகளில் சீனப் பொருட்களின் வரவேற்பு
சீனாவின் டிராகன் ஆண்டு வசந்த விழாவை முன்னிட்டு, உலகளவில் விழா சூழல் காணப்படுகிறது. இன்று, உலகில் சுமார் 20 நாடுகள் வசந்த விழாவை சட்டப்பூர்வமான விடுமுறையாக்கியுள்ளன. உலகின் ஐந்தில் ஒரு பகுதியினர்கள் விதவிதமான வழிமுறைகளின் மூலம் சீனப் புத்தாண்டைக் கொண்டாடுகின்றனர். சீனாவின் அலிபாபா குழுமத்தைச் சேர்ந்த நாடு கடந்த மின் வணிக மேடையின் தரவுகளின்படி, சீன டிராகன் தொடர்புடைய பொருட்கள் 100க்கும் அதிகமான நாடுகளில் விற்கப்பட்டுள்ளன.
2023ஆம் ஆண்டு, சீன உற்பத்திப் பொருட்கள் தென் கொரியாவில் கருப்பு வெள்ளியின் போது பெரிதும் வரவேற்கப்பட்டுள்ளன. கடந்த சில ஆண்டுகளில், ஐரோப்பிய மக்கள் சீனாவின் மின்சார போர்வை உள்ளிட்ட வெப்பமூட்டும் பொருட்களைப் பரபரப்பாக வாங்கியுள்ளனர். சீனத் தேயிலை மற்றும் ஒப்பனைப் பொருட்களும் வெளிநாட்டு இளைஞர்கள் மத்தியில் பெரிதும் வரவேற்பைப் பெற்றுள்ளன. சீன உற்பத்திப் பொருட்கள் வெளிநாட்டுச் சந்தையில் மென்மேலும் பிரபலமாகியுள்ளன. நுகர்வோருக்குச் சிறந்த தரம் என்பது முதன்மைத் தேவையாகும். நல்ல செயல்திறன், தரம், முதிர்ச்சியான தொழில்டநுட்பம் ஆகியவை சீனத் தயாரிப்புகள் பெரிதும் வரவேற்கப்படுவதற்குக் காரணிகளாகும். அவற்றுக்குப் பின்னணியில், நீண்டகாலமாக வளர்ந்துள்ள தொழில் சங்கிலி மற்றும் விநியோக சங்கிலியின் சாதகமும் பங்காற்றி வருகிறது.
வெளிநாடுகளில் சீன உற்பத்திப் பொருட்களின் வரவேற்பு உலக வர்த்தகத்தின் செழுமை மற்றும் பொருளாதார வளர்ச்சியை முன்னேற்றுவதோடு, பண்பாட்டு பரிமாற்றங்களையும் அதிகரித்துள்ளது. உலகத்துக்கும் உயிராற்றல் மிக்க சீனச் சக்தியும் கொண்டு வரப்பட்டுள்ளது.