சீனாவின் வேளாண் பொருட்களின் தரம் பொதுவாக பாதுகாப்பாக இருக்கின்றது. ஷாங்காய் உலகப் பொருட்காட்சி மற்றும் குவாங் ஷோ ஆசிய விளையாட்டுப் போட்டியில் வழங்கப்படும் வேளாண் பொருட்களின் தரப் பாதுகாப்புக்கு தொடர்புடைய வாரியம் முழுமூச்சுடன் உத்தரவாதம் அளிக்கும். சீன துணை வேளாண் அமைச்சர் Wei Chao An மார்ச் 10ம் நாள் பெய்சிங்கில் செய்தியாளரின் கேள்விக்குப் பதிலளித்த போது இவ்வாறு கூறினார்.
இவ்வாண்டு சீனாவின் வேளாண் வாரியம் 6 துறைகளிலான பணிகளை முக்கியமாக வலுப்படுத்தும். அதிக இடர்ப்பாடுடைய வேளாண் பொருட்களைச் சீர்படுத்துவது, ஒட்டுமொத்த, சீரான, நியாயமான வேளாண் பொருள் தரப் பாதுகாப்பு வரையறை முறைமையை உருவாக்குவது, வேளாண் பொருட்கள் சந்தையில் நுழைய அனுமதி வழங்கும் அமைப்பு முறையின் உருவாக்கத்தைத் தூண்டுவது முதலியவை, இவற்றில் இடம்பெறுகின்றன என்று Wei Chao An தெரிவித்தார்.