மீண்டும் சென்துவில்

சரியாக இரண்டு மணிநேரத்திற்கு பின்னர் சிச்சுவானின் தலைநகர் சென்து சுவாங்லியு பன்னாட்டு விமான நிலையத்தை வந்தடைந்து இறங்கினோம். அங்குள்ள சுங்கவரியற்ற பொருட்களை விற்பனை செய்யும் கடைகளில் சில பொருட்களை வாங்கிவிட்டு மீண்டும் விமானம் ஏறினோம். மாலை சரியாக ஆறு மணிக்கு வானில் எழுந்து பறந்த விமானம் பெய்ஜிங் நோக்கி பயணமானது.

பெய்ஜிங்கில்

இரவு எட்டு மணிக்கு பெய்ஜிங் பன்னாட்டு விமான நிலையத்தை வந்தடைந்தோம். எமது பொதிகளை பெற்றுவிட்டு சீன வானொலி வாகனங்களில் விமான நிலையத்திலிருந்து ஒன்பது மணியளவில் புறப்பட்டோம்.

முடிவாக

இரவு பத்து மணிக்கு சீன வானொலி நிலையத்தை அடைந்தோம். எதையோ இழந்துவிட்ட உணர்வுடன், கால்கள் வீட்டை நோக்கி நடைபோட்டன. அப்போதும், திபெத் காட்சிகள் தான் எண்ணங்களில் நிறைந்திருந்தன.