உணவு இடைவேளை முடிந்தபின்னர், சீன வானொலியால் வழங்கப்பட்ட அன்பளிப்புப் பொருட்களை உள்ளடக்கிய கண்காட்சியை நேயர்கள் பார்வையிட்டனர். கடந்த ஆண்டுகளில், திரு. எஸ்.செல்வம் அவர்களுக்கு சீன வானொலியால் வழங்கப்பட்ட பல்வேறு அன்பளிப்புப் பொருட்கள் பார்வைக்கு வைக்கப்பட்டிருந்தன. அவற்றை நேயர்கள் ஆர்வமுடன் கண்டு மகிழ்ந்தனர்.

 பின், பிற்பகல் நிகழ்ச்சிகள் துவங்கின. சிறப்பு விருந்தினர்களுக்கு புகழ்பெற்ற நூல்கள் சில அன்பளிப்பாக வழங்கப்பட்டன. தொடர்ந்து, சிறப்பு விருந்தினர்கள், தலைமை மன்ற மற்றும் கருத்தரங்கை பொறுப்பேற்று நடத்திய மன்றங்களின் பிரதிநிதிகள் ஆகியோருக்கு சு.கலைவாணன் இராதிகா சால்வை அணிவித்தார்.