குன் ச்சு இசை நாடகம், சீனாவின் மிங் வம்சத்தில் தோன்றிய இசை நாடக வடிவமாகும். 16வது நூற்றாண்டின் இறுதிக்காலம் முதல், இசை நாடகத் துறையில் குன் ச்சு இசை நாடகம் மைய இடம் வகித்தது. அதற்கு பிந்திய 200 ஆண்டுகளுக்கு மேலாக, குன் ச்சு இசை நாடகம் சீனாவின் மிக முக்கிய இசை நாடக வடிவமாக இருந்தது. இந்த இசை நாடகம் தோன்றி, அதிகாரப்பூர்வமாக உருவாகி, நீண்டக்காலம் ஆகி விட்டது.

பதிவின்படி, தெற்கு சுங் வம்சப் பேரரசர் குவாங் சொங் （Guang Zong）ஆட்சி புரிந்த காலத்தில், ச்செ சியாங் மாநிலத்தின் யுங் ஜியாப் பிரதேசத்தில் உள்ளூர் இசை நாடகம் விரைவாக வளர்ந்து வந்தது. அந்த இசை நாடகம், தென் சீனாவின் நாட்டுப்புற இசையின் அடிப்படையில் உருவாகியதால், அதற்கு நன் ச்சி அதாவது தெற்கு இசை நாடகம் என அழைக்கப்பட்டது. நன் ச்சியின் வளர்ச்சிப் போக்கில், டாங் மற்றும் சுங் வம்சங்கள் தொட்டு, பல பக்குவமடைந்த பாரம்பரிய இசை வடிவங்களை இது படிப்படியாக சேர்த்து, செழிப்பாகி வந்தது.

1 2 3 4 5