Zhu Min Qian அம்மையார் யுன் சியன் வட்டத்தின் பூத்தையல் சங்கத்தின் துணைத் தலைவராவார். இவ்வட்டத்தில் உள்ள Zhu Min Qian அம்மையாரின் வீட்டில், அவரது பூத்தையல் பணிமனையும், யுன் சியன் வட்டத்தின் பூத்தையல் சங்கமும் அமைந்துள்ளன. அவரது வீட்டில் 20 சதுர மீட்டர் நிலப்பரப்புடைய ஓர் அறையில் சில முகப்புகள் இருக்கின்றன. இம்முகப்புகளில் அவரது பூத்தையல் படைப்புகள் காணப்படுகின்றன. இப்படைப்புகளில், போர்வை உறைகள், தலையணையுறைகள், குழந்தைகளின் ஆடைகள் அடங்குகின்றன. Zhu Min Qian அம்மையார் செய்தியாளரிடம் கூறியதாவது：
"முன்பு ஓவியங்கள் வரைவதை குறிப்பாக கற்றுக்கொள்ளவில்லை. பள்ளியில் கல்வி பயின்றபோது பூத்தையல் உருவங்களை வரைய விரும்பினேன். இந்த பூத்தையல் பொருட்களின் உருவங்களை வடிவமைத்து, துணியில் இவற்றை வரைந்து, பூத்தையல் வேலை செய்தேன். இந்த பூத்தையல் பொருட்களின் விற்பனை நன்றாக இருக்கிறது. எடுத்துக்காட்டாக, மக்கள் திருமணம் செய்யும்போது, இரண்டு போர்வைகளை பொதுவாக வாங்குவர். இந்த பூத்தையல் பொருட்களின் ஆண்டு விற்பனைத் தொகை, சுமார் 20 ஆயிரம் யுவானாகும்" என்றார் அவர்.