புதிய ரக நகர மயமாக்கம், மக்களை மையமாகக் கொண்டிருக்க வேண்டும் என்று சீன அரசவையின் தலைமையமைச்சர் லீ கேச்சியாங், மார்ச் 17ஆம் நாள் நடைபெற்ற 12வது சீனத் தேசிய மக்கள் பேரவையின் முதல் கூட்டத்தொடரின் செய்தியாளர் கூட்டத்தில் தெரிவித்தார்.

நகர மயமாக்கம், நவீனமயமாக்கத்தின் தவிர்க்க முடியாத போக்கு மட்டுமல்ல, பரந்துபட்ட விவசாயிகளின் விருப்பமுமாகும். அது, மாபெரும் நுகர்வு மற்றும் முதலீட்டு தேவையைத் தூண்டி, மேலதிக வேலை வாய்ப்புகளை உருவாக்க உறுதுணையாக இருக்கும். அது மக்களுக்கு நன்மை பயக்கும் என்றும் லீ கேச்சியாங் தெரிவித்தார்.